മര്‍കസ് കോളജ് വിദ്യാര്‍ഥി യൂണിയന്‍ ഉദ്ഘാടനം ചെയ്തു
കാരന്തൂര്‍: മര്‍കസ് കോളജ് ഓഫ് ആര്‍ട്‌സ് സയന്‍സ് വിദ്യാര്‍ഥി യൂണിയന്‍ 'ഖസ്‌റ' 24 ന്യൂസ് അസോ. എഡിറ്റര്‍ ദീപക് ധര്‍മടം ഉദ്ഘാടനം ചെയ്തു. കാലിക്കറ്റ് സര്‍വകലാശാല നടത്തിയ യൂണിയന്‍ ഇലക്ഷന്‍ വഴി തിരഞ്ഞെടുക്കപ്പെട്ട 2024-25 വര്‍ഷത്തെ വിദ്യാര്‍ഥി യൂണിയനാണ് ഔദ്യോഗിമായി ഉദ്ഘാടനം ചെയ്തത്. പ്രിന്‍സിപ്പല്‍ പ്രൊഫ. ഉമര്‍ ഫാറൂഖ് യൂണിയന്‍ ഭാരവാഹികള്‍ക്ക് പ്രതിജ്ഞ ചൊല്ലിക്കൊടുത്തു.
ഉത്തരേന്ത്യയിലെ ഗ്രാമങ്ങളില്‍ വിദ്യാഭ്യാസ, സാമൂഹിക സേവന പ്രവര്‍ത്തനങ്ങള്‍ ലക്ഷ്യം വെച്ച് യൂണിയന്‍ അവതരിപ്പിച്ച 'റൂട്‌സ് ആന്‍ഡ് റൈസ്' പദ്ധതിയുടെ പ്രകാശനം മര്‍കസ് സാംസ്‌കാരിക വിഭാഗം എക്‌സിക്യൂട്ടീവ് ഓഫീസര്‍ അക്ബര്‍ ബാദുഷ സഖാഫി നിര്‍വഹിച്ചു.
വിദ്യാര്‍ഥി യൂണിയന്‍ പുറത്തിറക്കുന്ന ആദ്യ മാഗസിന്‍ മര്‍കസ് എം എം ഐ, എം ജി എസ് ചീഫ് അഡ്മിനിസ്ട്രേറ്റീവ് ഓഫീസര്‍ വി എം റഷീദ് സഖാഫി പ്രകാശനം ചെയ്തു. കോളേജ് അഡ്മിനിസ്ട്രേറ്റീവ് ഓഫീസര്‍ ഇന്‍ ചാര്‍ജ് അശ്‌റഫ് കാരന്തൂര്‍, വൈസ് പ്രിന്‍സിപ്പല്‍ ഡോ പി എം രാഘവന്‍, ഐ ക്യു എ സി കോര്‍ഡിനേറ്റര്‍ മുഹമ്മദ് ഫസല്‍ ഒ, വിവിധ ഡിപ്പാര്‍ട്‌മെന്റ് മേധാവികളായ വിനോദ്കുമാര്‍ കെ, സുഹൈല്‍ ഹുസൈന്‍ നൂറാനി, പ്രിയത പി, നശീദാ റഹ്മാന്‍ ആശംസകളര്‍പ്പിച്ചു. സ്റ്റാഫ് അഡൈ്വസര്‍ യാസീന്‍ റാഫത്ത് അലി സ്വാഗതവും കോളേജ് യൂണിയന്‍ ചെയര്‍മാന്‍ റിജാസ് കെ നന്ദിയും അറിയിച്ചു. വിദ്യാര്‍ഥികളുടെ കലാസാംസ്‌കാരിക പരിപാടികളും ഉദ്ഘാടനത്തിന്റെ ഭാഗമായി നടന്നു.
