ആദ്യമായി കള്‍ച്ചര്‍ എക്‌സലന്‍സ് അഡ്മിഷന്‍ അവതരിപ്പിച്ച് ഐഐടി മദ്രാസ്

കൊച്ചി: രാജ്യത്തെ ആദ്യമായി ഐഐടിയായി ലളിത കലാ- സാംസ്‌കാരിക മികവുള്ള വിദ്യാര്‍ത്ഥികള്‍ക്ക് അഡ്മിഷന്‍ സംവരണം അവതരിപ്പിച്ച് ഐഐടി മദ്രാസ്. 2025-26 അധ്യയന വര്‍ഷം മുതലാണ് ബിരുദതല പ്രോഗ്രാമുകളിലേക്കുള്ള അഡ്മിഷനില്‍ 'ഫൈന്‍ ആര്‍ട്‌സ് ആന്‍ഡ് കള്‍ച്ചര്‍ എക്‌സലന്‍സ്' സംവരണം ഐഐടി മദ്രാസ് അവതരിപ്പിക്കുന്നത്. ഈ സ്‌കീമിനു കീഴില്‍ ഐഐടി മദ്രാസിന്റെ എല്ലാ ബി.ടെക്, ബി.എസ് പ്രോഗ്രാമുകളിലും ഓരോ ഡിപ്പാര്‍ട്ട്‌മെന്റും രണ്ട് സീറ്റുകള്‍ വീതം സംവരണം ചെയ്യും. ഇതില്‍ ഒന്ന് പെണ്‍കുട്ടികള്‍ക്ക് മാത്രമായി സംവരണം ചെയ്തട്ടുണ്ട്.

ഈ അഡ്മിഷന്‍ നടപടിക്രമത്തിനായി ഐഐടി മദ്രാസ് പ്രേത്യേക പോര്‍ട്ടല്‍ (https://jeeadv.iitm.ac.in/face) വഴി ആയിരിക്കും സീറ്റുകള്‍ വാഗ്ദാനം ചെയ്യുന്നത്. 2025-2026 അധ്യയന വര്‍ഷത്തിലേക്ക് ഐഐടി മദ്രാസ് മാത്രമാണ് ഫൈന്‍ ആര്‍ട്‌സ് ആന്‍ഡ് കള്‍ച്ചര്‍ എക്‌സലന്‍സ് അഡ്മിഷന്‍ മുഖേന സീറ്റുകള്‍ വാഗ്ദാനം ചെയ്യുന്നത്.