മലപ്പുറം: അജ്ഞാത വാഹനം ഇടിച്ച് ബൈക്ക് യാത്രക്കാരനായ 21വയസ്സുകാരൻ മരിച്ചു. കൂടെ ബൈക്കിലുണ്ടായിരുന്ന സമപ്രായക്കാരനായ സുഹൃത്ത് പരുക്കുകളോടെ ആശുപത്രിയിൽ. ഇടിച്ചിട്ടുപോയ വാഹനത്തെ തേടി പൊലീസ്. സംഭവം മലപ്പുറം ചങ്ങരംകുളത്ത്. ചങ്ങരംകുളം പുന്നക്കൽ സ്വദേശി മുണ്ടംപിലാക്കൽ മൊയ്തുണ്ണിയുടെ മകൻ നജ്മൽ(21)ആണ് മരിച്ചത്.

സഹയാത്രികനായ കലൂർമ പെരുമ്പാൾ സ്വദേശി ആഷിക്ക്(21)നെ പരിക്കുകളോടെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.സംസ്ഥാന പാതയിൽ കടവല്ലൂർ പാടത്ത് ശനിയാഴ്ച അർധരാത്രിയോടെയാണ് അപകടം.കുന്നംകുളം ഭാഗത്ത് നിന്ന് ചങ്ങരംകുളത്തേക്ക് വരുന്നതിനിടെ പുറകിൽ വന്ന വാഹനം യുവാക്കൾ സഞ്ചരിച്ച സ്‌കൂട്ടറിൽ ഇടിക്കുകയായിരുന്നു.

ഗുരുതര പരിക്കേറ്റ നജ്മലിനെ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. ഇടിച്ചതിനു ശേഷം നിർത്താതെ പോയ വാഹനം കണ്ടെത്താൻ കുന്നംകുളം പൊലീസ് അന്വേഷണം ആരംഭിച്ചു. ഉമ്മ : ജമീല. സഹോദരങ്ങൾ : ജംഷീദ്, മാജിത, നജിത.

 

പരിക്ക്പൊലീസ്ബൈക്ക് അപകടംമരണംമലപ്പുറം