പാലത്തിന്റെ കൈവരിയിൽ ഇടിച്ച് ബൈക്കിൽ നിന്നും തെറിച്ചു വീണത് തോട്ടിലേത്ത്; കോട്ടയത്ത് യുവാവിന് ദാരുണാന്ത്യം

കോട്ടയം: ബൈക്കിൽ നിന്നും തെറിച്ച് തോട്ടിൽ വീണ് യുവാവിന് ദാരുണാന്ത്യം. മണർകാട് കാവുംപടി തെക്കുംകുന്നേൽ അരവിന്ദ് ടി സി (22) ആണ് മരിച്ചത്.

ഇന്നലെ രാത്രി 12 മണിയോടെയാണ് അപകടമുണ്ടായത്. എന്നാൽ ഇന്ന് രാവിലെയാണ് അപകടമുണ്ടായ വിവരം പുറത്തറിഞ്ഞത്. മാലം ജംഗ്ഷനിലെ പാലത്തിന്റെ കൈവരിയിൽ ഇടിച്ച് ബൈക്ക് മറിയുകയായിരുന്നു. യുവാവ് പത്തടി താഴെയുള്ള തോട്ടിലേക്ക് തെറിച്ചുവീണു. എന്നാൽ ഇക്കാര്യം ആരും അറിഞ്ഞില്ല.

രാവിലെ നടത്തിയ തിരച്ചിലിന് ഒടുവിലാണ് അരവിന്ദിന്റെ മൃതദേഹം തോട്ടിൽ നിന്നും കണ്ടെത്തിയത്. പൊലീസ് അന്വേഷണം ആരംഭിച്ചു.