ഐ. പി. സി കുടുംബ സംഗമം കാനഡയില്‍ പ്രമോഷണല്‍ യോഗം;പാസ്റ്റര്‍ ഷിബു തോമസ് മുഖ്യ പ്രഭാഷണം നടത്തും
- നിബു വെള്ളവന്താനം (നാഷണല്‍ മീഡിയ കോര്‍ഡിനേറ്റര്‍)
ന്യൂയോര്‍ക്ക്: വടക്കേ അമേരിക്കയിലെ ഐ. പി. സി. സഭകളുടെ 20- മത് കുടുംബ സംഗമത്തിന്റെ പ്രചരണാര്‍ത്ഥം കാനഡയില്‍ നടത്തപ്പെടുന്ന പ്രഥമ പ്രമോഷണല്‍ യോഗം മാര്‍ച്ച് 1 ശനിയാഴ്ച വൈകിട്ട് 5. 30 ന് കേരള ക്രിസ്ത്യന്‍ അസംബ്ലി ചര്‍ച്ചില്‍ വെച്ച് നടത്തപ്പെടും. (121 Norfinch Dr, Toronto, ON M3N 1W8, Canada ). പാസ്റ്റര്‍ ഡോ. ഷിബു തോമസ് (USA) സമ്മേളനത്തില്‍ മുഖ്യ പ്രഭാഷണം നടത്തും. അനുഗ്രഹീത ഗായകര്‍ സംഗീത ശുശ്രൂഷകള്‍ക്ക് നേതൃത്വം നല്‍കും.
കോണ്‍ഫ്രന്‍സ് ദേശീയ ഭാരവാഹികളായ പാസ്റ്റര്‍ സാം വര്‍ഗീസ്, ഫിന്നി എബ്രഹാം, ഏബ്രഹാം മോനീസ് ജോര്‍ജ്, റോബിന്‍ ജോണ്‍, സൂസന്‍ ജോണ്‍സണ്‍ തുടങ്ങിയവര്‍ കുടുംബസംഗമത്തിന്റെ ഇതുവരെയുള്ള ക്രമീകരണ പുരോഗതികള്‍ വിശദീകരിക്കും. സ്പോണ്‍സര്‍ഷിപ്പും രജിസ്ട്രേഷനും ഭാരവാഹികളെ ഏല്പിക്കുവാന്‍ ഈ അവസരം വിനിയോഗിക്കണമെന്ന് നാഷണല്‍ സെക്രട്ടറി ഫിന്നി എബ്രഹാം അറിയിച്ചു.
കോണ്‍ഫറന്‍സിന്റെ ദേശീയ പ്രതിനിധി പാസ്റ്റര്‍ എബി കെ. ബെന്‍, സംസ്ഥാന പ്രതിനിധികളായ റോയി ഫിലിപ്പ്, ടിജോ തോമസ് എന്നിവര്‍ ക്രമീകരണങ്ങള്‍ക്ക് നേതൃത്വം നല്‍കും.
വടക്കേ അമേരിക്കയിലും, കാനഡയിലും പാര്‍ക്കുന്ന ഇന്‍ഡ്യാ പെന്തക്കോസ്ത് ദൈവസഭയുടെ അംഗങ്ങളും, കോണ്‍ഫ്രന്‍സ് അഭ്യുദയ കാംക്ഷികളുമായി നിരവധി പേര്‍ പങ്കെടുക്കുന്ന ചതുര്‍ദിന സമ്മേളനം ജൂലൈ 17 മുതല്‍ 20 വരെ കാനഡയിലെ എഡ്മന്റണില്‍ വെച്ചാണ് നടത്തപ്പെടുന്നത്. രജിസ്ട്രേഷന്‍ നിരക്കില്‍ ഇളവോടുകൂടി ലഭിക്കുന്നതിന്റെ അവസാന തീയതി മാര്‍ച്ച് 31. കോണ്‍ഫ്രന്‍സില്‍ പങ്കെടുക്കുവാന്‍ ആഗ്രഹിക്കുന്നവര്‍ക്ക് അനായാസേന കോണ്‍ഫ്രന്‍സ് വെബ്സൈറ്റ് (www.ipcfamilyconference.org) വഴിയും രജിസ്റ്റര്‍ ചെയ്യുവാന്‍ കഴിയും.
