പ്രായപൂർത്തിയാകാത്ത കുട്ടികളെ വർഷങ്ങളോളം പീഡിപ്പിച്ച് ദൃശ്യങ്ങൾ ഇന്റർനെറ്റിൽ വിറ്റു; സർക്കാർ എഞ്ചിനീയർ ലൈംഗിക ചൂഷണത്തിന് ഇരയാക്കിയത് 70 കുട്ടികളെ
ലഖ്നൗ: ചൈൽഡ് പോൺ റാക്കറ്റിനെക്കുറിച്ച് സിബിഐ നടത്തിയ അന്വേഷണത്തിൽ കഴിഞ്ഞ വർഷം അറസ്റ്റിലായ ഉത്തർപ്രദേശ് സർക്കാർ ജൂനിയർ എഞ്ചിനീയർ രാം ഭവൻ 70 കുട്ടികളെ ചൂഷണം ചെയ്തതായി കണ്ടെത്തി. 70 കുട്ടികൾക്ക് എച്ച് ഐ വി ബാധക്ക് സാധ്യതയുണ്ടെന്ന് ഇപ്പോൾ ഭയപ്പെടുന്നു. ഇരകളിൽ 4 വയസ് മുതൽ 22 വയസ്സ് വരെ പ്രായമുള്ളവർ ഉൾപ്പെടുന്നു.
പ്രായപൂർത്തിയാകാത്തവരെ വർഷങ്ങളോളം ലൈംഗികമായി പീഡിപ്പിച്ചതിനും ദൃശ്യങ്ങൾ ഇന്റർനെറ്റിൽ വിറ്റതിനും യുപി സർക്കാരിലെ എഞ്ചിനീയറായ രാം ഭവനെ നവംബറിൽ സിബിഐ അറസ്റ്റ് ചെയ്തിരുന്നു. അറസ്റ്റിനിടെ എട്ട് മൊബൈൽ ഫോണുകൾ, എട്ട് ലക്ഷം രൂപയുടെ കളിപ്പാട്ടങ്ങൾ, ലൈംഗിക കളിപ്പാട്ടങ്ങൾ, ലാപ്‌ടോപ്പ്, കുട്ടികളെ ലൈംഗികമായി ദുരുപയോഗം ചെയ്യുന്ന വസ്തുക്കൾ എന്നിവ എഞ്ചിനീയറിൽ നിന്ന് കണ്ടെടുത്തു. ഏകദേശം 10 വർഷത്തോളം ഇയാൾ കുട്ടികളെ ചൂഷണം ചെയ്തു
അറസ്റ്റിലായ ജൂനിയർ എഞ്ചിനീയർ രാം ഭവൻ ഇപ്പോൾ ഡൽഹി എയിംസ് ആശുപത്രിയിൽ പചികിത്സയിലാണ്. കുട്ടികളെ ലൈംഗികമായി പകരുന്ന രോഗങ്ങളിൽ നിന്ന് രക്ഷിക്കുന്നതിനായി എട്ട് ഡോക്ടർമാരുടെ സംഘം രാംഭവനിൽ നിരവധി പരിശോധനകൾ നടത്തുന്നു. രാം ഭവന് എച്ച് ഐ വി കൂടാതെ മാനസിക മാനസിക സ്ഥിരതയും പരിശോധിക്കും.
അതേസമയം, ഇൻസ്റ്റാഗ്രാമിലൂടെയും മറ്റ് സോഷ്യൽ മീഡിയ പ്ലാറ്റ്‌ഫോമുകളിലൂടെയും കുട്ടികളെ ലൈംഗികമായി ദുരുപയോഗം ചെയ്യുന്നതിന്റെ വീഡിയോകൾ വിൽക്കുകയും വാങ്ങുകയും ചെയ്തതിന് എഞ്ചിനീയർ ഉൾപ്പെടെ മറ്റ് രണ്ട് പേരെ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ കഴിഞ്ഞ ആഴ്ച അറസ്റ്റ് ചെയ്തിരുന്നു.
