ചക്കരക്കൽ: മയക്കുമരുന്ന് ഉപയോഗിക്കുന്നവരെ പിടികൂടാനെത്തിയ പൊലീസുകാരെ കയ്യേറ്റം ചെയ്ത സംഭവത്തിൽ ഒരാൾ കസ്റ്റഡിയിൽ. ചക്കരക്കല്ലിലെ മുഴപ്പാല റോഡിൽ ഒരു ഓൺലൈൻ സ്ഥാപനം കേന്ദ്രീകരിച്ച് യുവാക്കൾ ലഹരി വസ്തുക്കൾ ഉപയോഗിക്കുന്നുണ്ടെന്ന് രഹസ്യവിവരം ലഭിച്ചതിനെ തുടർന്നാണ് ഞായറാഴ്ച രാത്രി ചക്കരക്കൽ എസ് ഐ. ബിനീഷിന്റെ നേതൃത്വത്തിൽ പൊലീസ് പരിശോധനയ്ക്ക് എത്തിയത്.

ഈ സമയം ഓൺലൈൻ സ്ഥാപനം കേന്ദ്രീകരിച്ച് നിലയുറപ്പിച്ച ഒരു കൂട്ടം യുവാക്കൾ പൊലീസിനെതിരെ കയ്യേറ്റം നടത്തുകയായിരുന്നു. പൊലീസ് വാഹനത്തിന്റെ കാമറയും അടിച്ചു തകർക്കാൻ ശ്രമിച്ചു. കയ്യേറ്റത്തെ തുടർന്ന് പരിക്ക് പറ്റിയ മൂന്ന് പൊലീസ് ഉദ്യോഗസ്ഥർ ചക്കരക്കൽ ഗവ: ആശുപത്രിയിൽ ചികിത്സ തേടി.

വിജേഷ്, അബ്ദുൾ നാസർ, രതീഷ് എന്നീ പൊലീസ് ഉദ്യോഗസ്ഥരാണ് ചികിത്സ തേടിയത്. പൊലീസിന്റെ ഔദ്യോഗിക കൃത്യനിർവ്വഹണം തടസ്സപ്പെടുത്തിയതിന് കപ്പാട് സ്വദേശിയായ നബി ലി (30) നെ പൊലീസ് കസ്റ്റഡിൽ എടുത്തു അറസ്റ്റ് രേഖപ്പെടുത്തി. ഇയാളെ ഇന്ന് കോടതിയിൽ ഹാജരാക്കുമെന്ന് പൊലീസ് പറഞ്ഞു.

മയക്കുമരുന്ന്

അനീഷ് കുമാര്‍

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍