ഇവിടെ പാർട്ടിക്കാര്യം കുടുംബ കാര്യം: ചെറുവാഞ്ചേരിയിൽ സിപിഎം ബ്രാഞ്ച് സെക്രട്ടറിമാരായി ദമ്പതികൾ

തലശേരി: ഇവിടെ പാർട്ടിക്കാര്യം നാട്ടുകാര്യം മാത്രമല്ല കുടുംബകാര്യം കൂടിയാണ് ചെറുവാഞ്ചേരിയിൽ സിപിഎം ബ്രാഞ്ച് കമ്മിറ്റികളെ നയിക്കാൻ ദമ്പതികളെത്തിയത് കൗതുകം പകർന്നു. ചെറുവാഞ്ചേരി കണ്ണാടിച്ചാൽ ബ്രാഞ്ച് സെക്രട്ടറിയായി ജീവനും ചന്ദ്രൻ നഗർ ബ്രാഞ്ച് സെക്രട്ടറിയായി ജിഷയും തെരഞ്ഞെടുക്കപ്പെട്ടതാണ് അപുർവ്വതയായി മാറിയത്. തൊട്ടടുത്ത ബ്രാഞ്ചുകളാണിത്.സിപിഎം രക്തസാക്ഷി ചെറുവാഞ്ചേരി ചന്ദ്രന്റെ സഹോദരൻ കുമാരന്റെ മകനാണ് ജീവൻ.

നേരത്തെ ചന്ദ്രൻ നഗർ ബ്രാഞ്ച് സെക്രട്ടറിയായും തെരഞ്ഞെടുക്കപ്പെട്ടിട്ടുണ്ട്. ചെറുവാഞ്ചേരിയിലെ ചെങ്കൽ ലോറി ഡ്രൈവറായി ജോലി ചെയ്തുവരികയാണ്. ചെറുവാഞ്ചേരി കമ്യുണിറ്റി ഹെൽത്ത് സെന്ററിലെ താൽക്കാലിക ജീവനക്കാരിയായ ജിഷ മുന്നുവർഷമായി പാർട്ടി അംഗമാണ്. കഴിഞ്ഞ ദിവസം ചേർന്ന ബ്രാഞ്ച് സമ്മേളനമാണ് ഇരുവരെയും സെക്രട്ടറിമാരായി. തെരഞ്ഞെടുത്തത് '