വെമ്പള്ളിയിൽ ഫ്രിഡ്ജിൽ നിന്ന് ഷോക്കേറ്റു ഒന്നരവയസ്സുകാരി മരിച്ചു; അപകടം വീട്ടിൽ കളിക്കുന്നതിനിടെ

കോട്ടയം: വെമ്പള്ളിയിൽ ഒന്നരവയസ്സുകാരി ഷോക്കേറ്റ് മരിച്ചു. വെമ്പള്ളി കദളിക്കാട്ടിൽ അലൻ- ശ്രുതി ദമ്പതികളുടെ മകൾ റൂത്ത് മറിയം ആണ് മരിച്ചത്. കളിക്കുന്നതിനിടെ ഫ്രിഡ്ജിൽ നിന്ന് ഷോക്കേറ്റാണ് മരണം.

ഉച്ചയ്ക്കാണു സംഭവം. വെമ്പള്ളിയിലെ അമ്മ വീട്ടിലായിരുന്നു കുട്ടി. ഇവിടെ കളിക്കുന്നതിനിടെയാണ് അപകടം.