'ഹലോ മമ്മൂക്കാ സുഖമാണോ' ദുല്‍ഖറിന്റെ ഫോണില്‍ നിന്ന് മമ്മൂട്ടിയെ വീഡിയോ കോള്‍ ചെയ്ത് ബാലയ്യ: മറുപടി നല്‍കി മമ്മൂട്ടി
ദുല്‍ഖര്‍ സല്‍മാന്റെ ഫോണില്‍ നിന്ന് മമ്മൂട്ടിയെ വിഡിയോകോള്‍ ചെയ്ത് തെലു?ഗ് താരം ബാലയ്യ. നന്ദമൂരി ബാലകൃഷ്ണ എന്ന ബാലയ്യ അവതരിപ്പിക്കുന്ന അണ്‍സ്റ്റോപ്പബിള്‍ എന്‍.ബി.കെ. എന്ന അഭിമുഖ പരിപാടിയില്‍ ലക്കി ഭാസ്‌ക്കര്‍ എന്ന ചിത്രത്തിന്റെ പ്രൊമോഷന്റെ ഭാ?ഗമായി പങ്കെടുത്തതായിരുന്നു ദുല്‍ഖര്‍ സല്‍മാന്‍. പരിപാടിയുടെ പ്രൊമോ വീഡിയോ ഏറെ ആവേശത്തോടെയാണ് ആരാധകര്‍ ഏറ്റെടുത്തിരിക്കുന്നത്. പോസ്റ്റ് ചെയ്ത് 17 മണിക്കൂറിനകം ഒരു മില്ല്യണ്‍ കാഴ്ചക്കാരാണ് വീഡിയോ യൂട്യൂബില്‍ കണ്ടത്.
ദുല്‍ഖറും ബാലകൃഷ്ണയും ചേര്‍ന്ന് തമാശകള്‍ പങ്കുവെയ്ക്കുന്നത് വിഡിയോയില്‍ കാണാം. അതിനിടെയാണ്, ദുല്‍ഖറിന്റെ ഫോണില്‍ നിന്ന് മമ്മൂട്ടിയെ ബാലകൃഷ്ണ വീഡിയോകോള്‍ ചെയ്യുന്നത്. 'ഹലോ മമ്മൂക്കാ സുഖമാണോ' എന്ന ബാലകൃഷ്ണയുടെ ചോദ്യത്തിന് സുഖമാണെന്ന് മലയാളത്തിലാണ് മമ്മൂട്ടി മറുപടി പറയുന്നത്. ഇവരുടെ സംഭാഷണങ്ങള്‍ കേട്ട് ചിരിയ്ക്കുന്ന ദുല്‍ഖറും ദൃശ്യങ്ങളിലുണ്ട്.
ദുല്‍ഖര്‍ സല്‍മാന്‍ നായകനായ പാന്‍ ഇന്ത്യന്‍ തെലുങ്ക് ചിത്രം ലക്കി ഭാസ്‌കര്‍ ഒക്ടോബര്‍ 31-നു ദീപാവലിക്കാണ് പ്രേക്ഷകരിലേക്കെത്തുന്നത്. വെങ്കി അറ്റ്ലൂരി രചിച്ച് സംവിധാനം ചെയ്ത ചിത്രം കേരളത്തിലും ഗള്‍ഫിലും വമ്പന്‍ റിലീസായി വിതരണം ചെയ്യുന്നത് ദുല്‍ഖര്‍ സല്‍മാന്റെ വേഫെറര്‍ ഫിലിംസാണ്. മീനാക്ഷി ചൗധരി നായികാ വേഷം ചെയ്ത ലക്കി ഭാസ്‌കര്‍ 400-ലധികം ദിവസത്തെ ഇടവേളക്ക് ശേഷം ദുല്‍ഖര്‍ നായകനായി എത്തുന്ന ചിത്രമാണ്.
