ഓണത്തല്ലുമായി പെപ്പെ എത്തുന്നു; ത്രസിപ്പിക്കുന്ന ആക്ഷന്‍ രംഗങ്ങളുമായി കൊണ്ടല്‍ ട്രെയ്ലര്‍ എത്തി; ഓണക്കാലത്തെ വിജയം പെപ്പെ ആവര്‍ത്തിക്കുമോയെന്ന് ആരാധകരും
ഹൈലൈറ്റ് കടലില്‍ വെച്ച് ചിത്രീകരിച്ച ആക്ഷന്‍ രംഗങ്ങള്‍
തിരുവനന്തപുരം: കഴിഞ്ഞ തവണത്തെ ഓണം വിന്നറായിരുന്നു പെപ്പെ ഉള്‍പ്പടെ പ്രധാന കഥാപാത്രത്തെ അവതരിപ്പിച്ച ആര്‍ഡിഎക്സ്. ചിത്രത്തിന് ഒരു വര്‍ഷത്തിന് ശേഷം വീണ്ടും ഓണക്കാലത്ത് മറ്റൊരു ചിത്രവുമായി പെപ്പെ എത്തുകയാണ്.ആന്റണി വര്‍ഗീസിനെ നായകനാക്കി നവാഗതനായ അജിത് മാമ്പള്ളി സംവിധാനം ചെയ്ത 'കൊണ്ടല്‍' ഓണം റിലീസായി പ്രേക്ഷകരുടെ മുന്നിലെത്തുകയാണ്.
കടല്‍ സംഘര്‍ഷത്തിന്റെ പശ്ചാത്തലത്തില്‍ കഥ പറയുന്ന ചിത്രത്തിന്റെ ഹൈലൈറ്റ് കടലില്‍ വെച്ച് ചിത്രീകരിച്ച ആക്ഷന്‍രംഗങ്ങള്‍ ആണ്.അണിയറപ്രവര്‍ത്തകരുടെ വാക്കിനെ ശരിവെച്ച് ത്രസിപ്പിക്കുന്ന ആക്ഷന്‍ രംഗങ്ങളുമായി കൊണ്ടലിന്റെ ട്രെയ്ലര്‍ പുറത്തിറങ്ങി.
ആക്ഷനൊപ്പം പ്രേക്ഷകരെ വൈകാരികമായി സ്വാധീനിക്കുന്ന ഒരു കഥാപരിസരവും ചിത്രത്തിനുണ്ടെന്ന സൂചനയും ഈ ട്രെയ്ലര്‍ തരുന്നുണ്ട്.
ഈ ചിത്രത്തിന്റെ ടീസര്‍, ഇതിലെ ഒരു ഗാനം എന്നിവ നേരത്തെ റിലീസ് ചെയ്ത് സാമൂഹിക മാധ്യമങ്ങളില്‍ മികച്ച ശ്രദ്ധ നേടിയിരുന്നു.
വീക്കെന്‍ഡ് ബ്ലോക്ക്ബസ്റ്റേഴ്സിന്റെ ബാനറില്‍ സോഫിയ പോള്‍ നിര്‍മ്മിച്ച ഈ ചിത്രത്തില്‍ കന്നഡ സൂപ്പര്‍ താരം രാജ് ബി ഷെട്ടിയും അഭിനയിച്ചിട്ടുണ്ട്. ഷബീര്‍ കല്ലറക്കല്‍, നന്ദു, മണികണ്ഠന്‍ ആചാരി, പ്രമോദ് വലിയനാട്, ശരത് സഭ, അഭിറാം രാധാകൃഷ്ണന്‍, പി എന്‍ സണ്ണി, സിറാജുദ്ദീന്‍ നാസര്‍, നെബിഷ് ബെന്‍സണ്‍, ആഷ്ലി, രാഹുല്‍ രാജഗോപാല്‍, അഫ്‌സല്‍ പി എച്ച്, റാം കുമാര്‍, രാഹുല്‍ നായര്‍, ഉഷ, കനക കൊനശനദ്, ജയ കുറുപ്പ്, പുഷ്പ കുമാരി എന്നിവരും വേഷമിട്ട കൊണ്ടലിനു സംഗീതം പകര്‍ന്നത് സാം സി എസ് ആണ്.
ഛായാഗ്രഹണം- ദീപക് ഡി മേനോന്‍, എഡിറ്റര്‍- ശ്രീജിത്ത് സാരംഗ്, എക്സികുട്ടീവ് പ്രൊഡ്യൂസര്‍- മാനുവല്‍ ക്രൂസ് ഡാര്‍വിന്‍, പ്രൊഡക്ഷന്‍ ഡിസൈനര്‍- വിനോദ് രവീന്ദ്രന്‍, ആക്ഷന്‍- വിക്രം മോര്‍, കലൈ കിങ്‌സണ്‍, തവാസി രാജ്, കലാസംവിധാനം- അരുണ്‍ കൃഷ്ണ, പ്രൊഡക്ഷന്‍ കണ്‍ട്രോളര്‍- ജാവേദ് ചെമ്പു, വസ്ത്രാലങ്കാരം- നിസാര്‍ റഹ്‌മത്, മേക്കപ്പ്- അമല്‍ കുമാര്‍, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, പിആര്‍ഒ- ശബരി.
