മുംബൈ: വിനയ് ഫോഗാട്ടിന്റെ അപ്രതീക്ഷിത തിരിച്ചടിയില്‍ പിന്തുണയുമായി സിനിമാ താരങ്ങളും.ബോളിവുഡ് താരങ്ങള്‍ സമൂഹമാധ്യമത്തിലൂടെയാണ് പിന്തുണ അറിയിച്ചത്.ആലിയ ബട്ടും പ്രീതിസിന്റയുമാണ് വിനയ്ക്ക് പിന്തുണയുമായി രംഗത്ത് വന്നത്.ഓരോ ഇന്ത്യക്കാര്‍ക്കും വിനേഷ് ഫോഗാട്ട് തനി തങ്കമാണെന്ന് പ്രീതി സിന്റ കുറിച്ചു. ഇന്ത്യയിലെ എല്ലാവര്‍ക്കും വിനേഷ് ഒരു ഹീറോ ആണെന്നു പറഞ്ഞ പ്രീതി, കൂടുതല്‍ കരുത്തോടെ വിനേഷിന് തിരിച്ചു വരാന്‍ കഴിയട്ടെയെന്നും ആശംസിച്ചു.

"പ്രിയ വിനേഷ് ഫോഗാട്ട്, ഓരോ ഇന്ത്യക്കാര്‍ക്കും നിങ്ങള്‍ തങ്കമാണ്. ചാമ്പ്യന്‍മാരുടെ ഒരു ചാമ്പ്യന്‍! ഇന്ത്യയിലെ എല്ലാ വനിതകള്‍ക്കും നിങ്ങള്‍ ഹീറോ ആണ്. നിങ്ങള്‍ക്ക് നേരിട്ട നിര്‍ഭാഗ്യകരമായ സംഭവങ്ങളില്‍ ഞാന്‍ ഖേദിക്കുന്നു. തല ഉയര്‍ത്തി ശക്തയായിരിക്കൂ. ജീവിതം എല്ലായ്‌പ്പോഴും ന്യായമല്ല . വിഷമകരമായ സമയങ്ങള്‍ അധിക കാലം നിലനില്‍ക്കില്ല. പക്ഷേ, കരുത്തരായ മനുഷ്യര്‍ നിലനില്‍ക്കും. ഇപ്പോള്‍ നിങ്ങളെ ഇറുക്കി ആലിംഗനം ചെയ്ത് ഒരു കാര്യ പറയാന്‍ ഞാന്‍ ആഗ്രഹിക്കുന്നു. നിങ്ങളെക്കുറിച്ചോര്‍ത്ത് ഞങ്ങള്‍ അഭിമാനിക്കുന്നു. ശക്തിയായി തിരികെ വരൂ. കൂടുതല്‍ കരുത്തുണ്ടാകട്ടെ!"

എന്നാണ് വിനയ്ഫോഗാട്ടിന്റെ ചിത്രമുള്‍പ്പടെ പങ്കുവെച്ച് പ്രീതി സിന്റ കുറിച്ചത്.വിനേഷ് ഫോഗട്ട് രാജ്യത്തിനാകെ പ്രചോദനമാണെന്ന് ആലിയ ഭട്ട് പറഞ്ഞു. "വിനേഷ് ഫോഗട്ട് നിങ്ങള്‍ രാജ്യത്തിനാകെ പ്രചോദനമാണ്. ഒന്നിനും നിങ്ങളുടെ ധൈര്യം ഇല്ലാതാക്കാന്‍ കഴിയില്ല, ചരിത്രം സൃഷ്ടിക്കാന്‍ നിങ്ങള്‍ അനുഭവിച്ച കഷ്ടപ്പാടുകള്‍ ഇല്ലാതാക്കാന്‍ കഴിയില്ല. നീ സ്വര്‍ണമാണ്- ഇരുമ്പും നീ ഉരുക്കും! നിങ്ങളില്‍ നിന്ന് അത് എടുത്തുകളയാന്‍ ഒന്നിനും കഴിയില്ല! കാലങ്ങളായി ഒരു ചാമ്പ്യന്‍! നിന്നെപ്പോലെ ആരുമില്ല."ആലിയ ഭട്ടിന്റെ വാക്കുകള്‍.

ഭാരപരിശോധനയില്‍ പരാജയപ്പെട്ടെന്നു ചൂണ്ടിക്കാട്ടിയാണ് വിനേഷ് ഫോഗട്ടിനെ ഗുസ്തിയുടെ ഫൈനലില്‍ അയോഗ്യയായി പ്രഖ്യാപിച്ചത്.

മറുനാടൻ മലയാളി ബ്യൂറോ