ആ പരാജയത്തിന് കാരണം ഞാന്‍! തെറ്റുകള്‍ തിരുത്തിയിട്ടുണ്ട്; പുതിയ ചിത്രം സിത്താരെ സമീന്‍പാറിനെ കുറിച്ച് ആമിര്‍ ഖാന്‍
മുംബൈ: ആമിര്‍ നായകനായി പ്രദര്‍ശനത്തിന് വന്ന ചിത്രം ലാല്‍ സിംഗ് ഛദ്ധയുടെ പരാജയത്തിന്റെ ഉത്തരവാദിത്വം ഏറ്റെടുത്ത് അമീര്‍ഖാന്‍.ലാല്‍ സിംഗ് ഛദ്ധ സിനിമയിലെ തന്റെ പ്രകടനം മോശമായിരുന്നുവെന്ന് നടന്‍ ആമിര്‍ ഖാനും സമ്മതിക്കുകയാണ്. അതുകൊണ്ടാണ് ജനങ്ങള്‍ക്ക് ഇഷ്ടമാകാതിരുന്നത്.ഈ തെറ്റുകള്‍ തിരുത്തിയാണ് പുതിയ ചിത്രത്തിലെത്തുന്നതെന്നും ആമിര്‍ഖാന്‍ വ്യക്തമാക്കി.സിത്താരെ സമീന്‍ പാറിനെക്കുറിച്ച് സംസാരിക്കുമ്പോഴായിരുന്നു നടന്റെ പ്രതികരണം. ആമിര്‍ ഖാന്‍ നായകനായി ഇനി വരാനിരിക്കുന്ന ചിത്രം സിത്താരെ സമീന്‍ പര്‍ ആണ്. താരെ സമീന്‍ പറിന്റെ രണ്ടാം ഭാഗമായിരിക്കും സിത്താരെ സമീന്‍ പര്‍ […]
മുംബൈ: ആമിര്‍ നായകനായി പ്രദര്‍ശനത്തിന് വന്ന ചിത്രം ലാല്‍ സിംഗ് ഛദ്ധയുടെ പരാജയത്തിന്റെ ഉത്തരവാദിത്വം ഏറ്റെടുത്ത് അമീര്‍ഖാന്‍.ലാല്‍ സിംഗ് ഛദ്ധ സിനിമയിലെ തന്റെ പ്രകടനം മോശമായിരുന്നുവെന്ന് നടന്‍ ആമിര്‍ ഖാനും സമ്മതിക്കുകയാണ്. അതുകൊണ്ടാണ് ജനങ്ങള്‍ക്ക് ഇഷ്ടമാകാതിരുന്നത്.ഈ തെറ്റുകള്‍ തിരുത്തിയാണ് പുതിയ ചിത്രത്തിലെത്തുന്നതെന്നും ആമിര്‍ഖാന്‍ വ്യക്തമാക്കി.
സിത്താരെ സമീന്‍ പാറിനെക്കുറിച്ച് സംസാരിക്കുമ്പോഴായിരുന്നു നടന്റെ പ്രതികരണം.
ആമിര്‍ ഖാന്‍ നായകനായി ഇനി വരാനിരിക്കുന്ന ചിത്രം സിത്താരെ സമീന്‍ പര്‍ ആണ്. താരെ സമീന്‍ പറിന്റെ രണ്ടാം ഭാഗമായിരിക്കും സിത്താരെ സമീന്‍ പര്‍ എന്ന് റിപ്പോര്‍ട്ടുകളുണ്ടായിരുന്നു. എന്തായാലും ആമിര്‍ ഖാന്റെ പുതിയ ചിത്രം പ്രതിപാദിക്കുന്നത് ഡൗണ്‍ സിന്‍ഡ്രോം എന്ന രോഗാവസ്ഥയാണ് എന്നാണ് റിപ്പോര്‍ട്ട്. താരെ സമീന്‍ പറില്‍ നായകനായ താരം ദര്‍ശീല്‍ സഫാരി ആമിര്‍ ഖാന്‍ ചിത്രത്തില്‍ പ്രതീക്ഷ പ്രകടിപ്പിച്ചതും ചര്‍ച്ചയായിരുന്നു.
സിത്താരെ സമീന്‍ പര്‍ മനോഹരമായ സിനിമയായിരിക്കും എന്ന് ദര്‍ശീല്‍ സഫാരി വ്യക്തമാക്കി.അതാണ് ആമിര്‍ സാറിന്റെ വാക്കാണെന്നും പറഞ്ഞു ദര്‍ശീല്‍ സഫാരി. പ്രതീക്ഷയേറെയുള്ള സിത്താരെ സമീന്‍ പാര്‍ സിനിമയുടെ ചിത്രീകരണം പൂര്‍ത്തിയായിരിക്കുകയാണ്.താരെ സമീന്‍ പര്‍ കഥയും സംവിധാനവും ആമിര്‍ ഖാനായിരുന്നു. ആമിര്‍ ഖാനായിരുന്നു നിര്‍മാണവും. എന്നാല്‍ സിത്താരെ സമീന്‍ പര്‍ സംവിധാനം ചെയ്യുന്നത് ആര്‍ എസ് പ്രസന്നയാണ്.സിത്താരെ സമീന്‍ പര്‍ എന്ന ചിത്രം ക്രിസ്മസ് റിലീസായി എത്തുമെന്നാണ് റിപ്പോര്‍ട്ട്.
ടോം ഹാങ്ക്സിന്റെ 'ഫോറസ്റ്റ് ഗംപ്' സിനിമയുടെ ഹിന്ദി റീമേക്കാണ് 'ലാല്‍ സിംഗ് ഛദ്ധ'. 1994ല്‍ പ്രദര്‍ശനത്തിന് എത്തിയ ഹോളിവുഡ് ചിത്രം വന്‍ ഹിറ്റായിരുന്നു.കരീന കപൂര്‍ നായികയാകുന്ന ചിത്രത്തിന്റെ സംവിധാനം അദ്വൈത് ചന്ദ്രനായിരുന്നു.ലാല്‍ സിംഗ് ഛദ്ദയുടെ സംഗീത സംവിധാനം പ്രിതമായിരുന്നു. ആമിര്‍ ഖാന്‍ തന്നെയാണ് ചിത്രം നിര്‍മിച്ചിരിക്കുന്നത്. ഛായാഗ്രാഹണം നിര്‍വഹിച്ചിരിക്കുന്നത് സത്യജിത്ത് പാണ്ഡെയാണ്. പല പ്രായങ്ങളിലുള്ള കഥാപാത്രമായി ചിത്രത്തില്‍ ആമിറെത്തിയിരുന്നു.
