ഷാരൂഖ് ഖാന് പിന്നാലെ ആമിര്‍ ഖാനും മുംബൈയിലെ താമസം മാറുന്നു; ബാന്ദ്രയിലെ പാലി ഹില്ലിലുള്ള ആമിറിന്റെ കെട്ടിടം ഉടന്‍ പുനര്‍നിര്‍മ്മിക്കുന്നതിന് വേണ്ടിയാണ് മാറ്റം എന്നാണ് റിപ്പോര്‍ട്ട്
ബോളിവുഡിലെ സൂപ്പര്‍താരങ്ങള്‍ താമസിച്ചിരുന്ന പ്രശസ്ത താമസസ്ഥലങ്ങള്‍ നവീകരണത്തിനായി പുനരുജ്ജീവനത്തിന്റെ പാതയിലൂടെയാണ് കടന്നുപോകുന്നത്. ഷാരൂഖ് ഖാന്റെ മന്നത്ത് നവീകരണം പുരോഗമിക്കുന്ന അവസരത്തില്‍, ആമിര്‍ ഖാനും തന്റേതായ കെട്ടിടത്തിന്റെ പുനര്‍നിര്‍മ്മാണത്തിനായി താമസം മാറുകയാണ്.
മുംബൈ ബാന്ദ്രയിലെ പാലി ഹില്ലില്‍ സ്ഥിതിചെയ്യുന്ന വിര്‍ഗോ കോപ്പറേറ്റീവ് ഹൗസ് സൊസൈറ്റിയിലെ ആമിറിന്റെ ബഹുമതി നേടിയ വീടാണ് ഇനി പുനര്‍നിര്‍മ്മിക്കപ്പെടുന്നത്. ഇതിനായി ആമിര്‍ അതേ പ്രദേശത്ത് ഏകദേശം 1,027 ചതുരശ്ര അടിയുള്ള ഫ്ലാറ്റ് ഒന്‍പത് കോടി രൂപയ്ക്ക് വാങ്ങിയിട്ടുണ്ട്. പുതുതായി നിര്‍മിക്കപ്പെടുന്ന കെട്ടിടം മാന്‍ ഇന്‍ഫ്രാകണ്‍സ്ട്രക്ഷന്‍ ലിമിറ്റഡ് എന്ന സ്ഥാപനം പൂര്‍ത്തിയാക്കും. പുതിയ കെട്ടിടത്തില്‍ സമുദ്രദൃശ്യം വാഗ്ദാനം ചെയ്യുന്ന ആഡംബര ഫ്ലാറ്റുകളും നാല്, അഞ്ച് കിടപ്പുമുറികളും ഉള്‍പ്പെടും. ചതുരശ്ര അടിക്ക് ഒരു ലക്ഷം രൂപവരെ വിലവരുമെന്നാണ് കണക്കുകൂട്ടല്‍.
അതേസമയം, ഷാരൂഖ് ഖാന്റെ മന്നത്ത് വീട് നവീകരിച്ചുകൊണ്ടിരിക്കുകയാണ്. ഭാര്യ ഗൗരി ഖാന് രണ്ട് നിലകള്‍ കൂടി ചേര്‍ക്കാനുള്ള അനുമതി തേടിയതിന്റെ അടിസ്ഥാനത്തില്‍ കുടുംബം താത്കാലികമായി പാലി ഹില്ലിലെ ജാക്കിയും വാഷു ഭഗ്നാനിയുമാണ് ഉടമകളായ രണ്ട് വലിയ ഡ്യൂപ്ലക്സ് ഫ്ലാറ്റുകളിലേക്ക് മാറിയിട്ടുണ്ട്.
