'അമ്മ' യുടെ കുടുംബ സംഗമം കൊച്ചിയില്‍ ആരംഭിച്ചു; പരിപാടി രാജീവ് ഗാന്ധി ഇൻഡോർ സ്റ്റേഡിയത്തിൽ; താരങ്ങള്‍ ഒന്നാകെ ഒഴുകിയെത്തുന്നു!

കൊച്ചി: അങ്ങനെ വിവാദങ്ങളൊക്കെ ഒഴിഞ്ഞ് വീണ്ടും അമ്മ സംഘടനാ പരിപാടികൾ സജീവമാകുന്നു. ഇപ്പോഴിതാ ചലച്ചിത്ര അഭിനേതാക്കളുടെ സംഘടനയായ അമ്മയുടെ കുടുംബസംഗമം കൊച്ചിയില്‍ തുടങ്ങി. രാവിലെ 9ന് മമ്മൂട്ടിയും മോഹൻലാലും സുരേഷ് ഗോപിയും ചേർന്ന് കുടുംബസംഗമം ഉദ്ഘാടനം നിർവഹിച്ചത്.

പരിപാടിയിൽ അംഗങ്ങളുടെ കലാപരിപാടികളും വിവിധ മത്സരങ്ങളും ക്രമീകരിക്കുകയും ചെയ്തിട്ടുണ്ട്. സാമ്പത്തികമായി പിന്നാക്കം നിൽക്കുന്ന സംഘടനയിലെ അംഗങ്ങൾക്ക് ജീവൻ രക്ഷാ മരുന്നുകൾ നൽകുന്നതിന് പണം സ്വരൂപിക്കുന്നതിനാണ് പരിപാടി സംഘടിപ്പിച്ചിരിക്കുന്നത്. രാജീവ് ഗാന്ധി ഇൻഡോർ സ്റ്റേഡിയത്തിലാണ് പരിപാടി നടക്കുന്നത്.