മികച്ച കഥാപാത്രങ്ങളിലൂടെ വളരെ ചെറിയ കാലയളവിയിൽ മലയാളി പ്രേക്ഷകരുടെ മനസ്സിൽ ഇടം നേടിയ യുവതാരമാണ് അർജുൻ അശോകൻ. ഇതുവരെ അവതരിപ്പിച്ച കഥാപാത്രണങ്ങളിൽ നിന്നും വേറിട്ട വേഷവുമായി എത്തുകയാണ് താരം. ഇൻവെസ്റ്റിഗേഷൻ ത്രില്ലർ ചിത്രമായ 'ആനന്ദ് ശ്രീബാല' റിലീസിനൊരുങ്ങുകയാണ്.

വലിയ പ്രതീക്ഷകളോടെയാണ് ചിത്രം നവംബർ 15ന് തീയറ്ററുകളിൽ എത്തുന്നത്. റൊമാൻസ്, കോമഡി, നായകൻ, പ്രതിനായകൻ എന്നിങ്ങനെ വിവിധ വേഷങ്ങൾ അവതരിപ്പിച്ചെങ്കിലും ആദ്യമായാണ് താരം പോലീസ് വേഷത്തിലെത്തുന്നത്.

ഇത് യഥാർത്ഥ സംഭവത്തെ ആസ്പദമാക്കിയാണ് ചിത്രം ഒരുങ്ങുന്നതെന്ന് അണിയറ പ്രവർത്തകർ നേരത്തേ അറിയിച്ചിരുന്നു. ലോ കോളേജ് വിദ്യാർത്ഥിയായ മെറിന്റെ മരണവും അതിനോടനുബന്ധിച്ചുള്ള പൊലീസിന്റെ അന്വേഷണവുമാണ് ചിത്രത്തിന്റെ ഇതിവൃത്തം. വിഷ്ണു വിനയ് സംവിധാനം നിർവഹിക്കുന്ന ചിത്രത്തിനായി അഭിലാഷ് പിള്ളയാണ് തിരക്കഥ ഒരുക്കിയിരിക്കുന്നത്.

ചിത്രത്തിലെ കേന്ദ്ര കഥാപാത്രമായ ആനന്ദ് ശ്രീബാലയെയാണ് അർജ്ജുൻ അശോകൻ അവതരിപ്പിക്കുന്നത്. കാവ്യ ഫിലിം കമ്പനി,ആൻ മെഗാ മീഡിയ എന്നീ ബാനറുകളിൽ പ്രിയ വേണുവും നീതാ പിന്റോയും ചേർന്നാണ് ചിത്രം നിർമ്മിക്കുന്നത്.

'ബേസ്ഡ് ഓൺ ട്രു ഇവന്റ്' എന്ന ക്യാപ്ഷനോടെ തുടങ്ങുന്ന ട്രെയിലറും ശ്രദ്ധ പിടിച്ചുപറ്റിയിരുന്നു. വിഷ്ണു നാരായണൻ ഛായാഗ്രഹണം നിർവഹിക്കുമ്പോൾ ചിത്രസംയോജനം കിരൺ ദാസാണ്. സംഗീതം ഒരുക്കിയിരിക്കുന്നത് രഞ്ജിൻ രാജ് ആണ്.

ചീഫ് അസ്സോസിയേറ്റ് ഡയറക്ടർ: ബിനു ജി നായർ, ലൈൻ പ്രൊഡ്യൂസേർസ്: ഗോപകുമാർ ജി കെ, സുനിൽ സിംഗ്, പ്രൊഡക്ഷൻ കൺട്രോളർ: ഷാജി പട്ടിക്കര, ടീസർ കട്ട്: അനന്ദു ഷെജി അജിത്, ഡിസൈൻ: ഓൾഡ് മോങ്ക്സ്, സ്റ്റീൽസ്: ലെബിസൺ ഗോപി, പിആർഒ & മാർക്കറ്റിംഗ്: വൈശാഖ് വടക്കേവീട്, ജിനു അനിൽകുമാർ.

അർജുൻ അശോകൻവിഷ്ണു വിനയ്ആനന്ദ് ശ്രീബാല

സ്വന്തം ലേഖകൻ