ചെന്നൈ: യുവതാരം പ്രദീപ് രംഗനാഥനും മലയാളത്തിന്റെ പ്രിയതാരം മമിത ബൈജുവും കേന്ദ്ര കഥാപാത്രങ്ങളാകുന്ന 'ഡ്യൂഡ്' എന്ന തമിഴ് ചിത്രം ഒക്ടോബർ 17-ന് ദീപാവലി ദിനത്തിൽ റിലീസിനെത്തും. ചിത്രത്തിലെ പുതിയ പ്രണയഗാനമായ 'എൻ കണ്ണുക്കുള്ളേ കത്താത' ലിറിക്കൽ വീഡിയോയായി പുറത്തിറങ്ങി.

സംഗീത സംവിധായകൻ സായ് അഭ്യങ്കർ ഈണമിട്ട 'ഡ്യൂഡ്' ചിത്രത്തിലെ ഗാനങ്ങൾ ഇതിനോടകം തന്നെ സോഷ്യൽ മീഡിയയിൽ വലിയ ചർച്ചയായിട്ടുണ്ട്. 'ഊരും ബ്ലഡ്' എന്ന ഗാനം 4 കോടിയിലേറെ പ്രേക്ഷക പ്രശംസ നേടിയിരുന്നു. 'നല്ലാരു പോ', 'സിങ്കാരി' തുടങ്ങിയ ഗാനങ്ങളും മികച്ച പ്രതികരണം നേടി മുന്നേറുകയാണ്. 'എൻ കണ്ണുക്കുള്ളേ കത്താത' എന്ന പുതിയ ഗാനം ആലപിച്ചിരിക്കുന്നത് സായ് അഭ്യങ്കറും ജോണിറ്റ ഗാന്ധിയുമാണ്. ആദേശ് കൃഷ്ണയാണ് ഗാനരചന നിർവ്വഹിച്ചിരിക്കുന്നത്.

മമിത ബൈജു നായികയായി അരങ്ങേറുന്ന ആദ്യ തമിഴ് ചിത്രം കൂടിയാണ് 'ഡ്യൂഡ്'. പ്രദീപ് രംഗനാഥൻ നായകനാകുന്നതും സംവിധാനം ചെയ്യുന്നതും 'ലവ് ടുഡേ', 'കോമാലി' തുടങ്ങിയ ചിത്രങ്ങളുടെ വിജയത്തിന് ശേഷം വരുന്നതിനാൽ ചിത്രത്തിന് വലിയ പ്രതീക്ഷയാണുള്ളത്.



ഡ്യൂഡ്സിനിമസോങ്

സ്വന്തം ലേഖകൻ