ഗോട്ട് തമിഴ്നാടിന് മുന്നെ കേരളത്തിലെത്തും; ആദ്യ ഷോയുടെ സമയം പുറത്തുവിട്ട് നിര്‍മ്മാതാക്കള്‍; തമിഴ്നാട്ടില് ചിത്രം 9 മണിയോടെ മാത്രം
തിരുവനന്തപുരം: ഹൈപ്പ് കുറവാണെങ്കിലും വിജയ് ആരാധകര്‍ പ്രതീക്ഷയോട കാത്തിരിക്കുന്ന ചിത്രമാണ് ഗോട്ട്.കേരളത്തിലെ വിജയ് ആരാധകര്‍ക്ക് സന്തോഷം നല്‍കുന്ന ഒരു വാര്‍ത്തയാണ് ഇപ്പോള്‍ പുറത്തുവരുന്നത്. തമിഴ്നാടിന് മുന്നെ ഗോട്ട് കേരളത്തില്‍ പ്രദര്‍ശനം തുടങ്ങും. ദ് ഗ്രേറ്റസ്റ്റ് ഓഫ് ഓള്‍ ടൈമിന്റെ കേരളത്തിലെ ആദ്യ ഷോയുടെ സമയം പുറത്തുവിട്ടിരിക്കുകയാണ് കേരളത്തിലെ വിതരണക്കാരായ ശ്രീ ഗോകുലം മൂവീസ്. പുലര്‍ച്ചെ 4 മണി മുതല്‍ കേരളത്തില്‍ 'ഗോട്ടി'ന്റെ പ്രദര്‍ശനം ആരംഭിക്കും.4 മണിക്ക് സ്‌ക്രീനിംഗ് അനുവദിച്ചതിന് നിര്‍മാതാക്കളായ എജിഎസ് പ്രൊഡക്ഷന് നന്ദി പറഞ്ഞുകൊണ്ടുള്ള ക്യാപ്ഷനൊപ്പമാണ് […]
തിരുവനന്തപുരം: ഹൈപ്പ് കുറവാണെങ്കിലും വിജയ് ആരാധകര്‍ പ്രതീക്ഷയോട കാത്തിരിക്കുന്ന ചിത്രമാണ് ഗോട്ട്.കേരളത്തിലെ വിജയ് ആരാധകര്‍ക്ക് സന്തോഷം നല്‍കുന്ന ഒരു വാര്‍ത്തയാണ് ഇപ്പോള്‍ പുറത്തുവരുന്നത്. തമിഴ്നാടിന് മുന്നെ ഗോട്ട് കേരളത്തില്‍ പ്രദര്‍ശനം തുടങ്ങും.
ദ് ഗ്രേറ്റസ്റ്റ് ഓഫ് ഓള്‍ ടൈമിന്റെ കേരളത്തിലെ ആദ്യ ഷോയുടെ സമയം പുറത്തുവിട്ടിരിക്കുകയാണ് കേരളത്തിലെ വിതരണക്കാരായ ശ്രീ ഗോകുലം മൂവീസ്. പുലര്‍ച്ചെ 4 മണി മുതല്‍ കേരളത്തില്‍ 'ഗോട്ടി'ന്റെ പ്രദര്‍ശനം ആരംഭിക്കും.4 മണിക്ക് സ്‌ക്രീനിംഗ് അനുവദിച്ചതിന് നിര്‍മാതാക്കളായ എജിഎസ് പ്രൊഡക്ഷന് നന്ദി പറഞ്ഞുകൊണ്ടുള്ള ക്യാപ്ഷനൊപ്പമാണ് ഗോകുലം മൂവിസ് റിലീസ് സമയവും പുറത്തുവിട്ടിരിക്കുന്നത്.
എന്നാല്‍ തമിഴ്നാട്ടില് 9 മണി മുതലായിരിക്കും ചിത്രത്തിന്റെ ആദ്യ ഷോ. 'ലിയോ'ക്ക് ശേഷം ഗോകുലം മൂവീസ് കേരളത്തില്‍ വിതരണത്തിനെത്തിക്കുന്ന വിജയ് ചിത്രമാണിത്. യുവന്‍ ശങ്കര്‍ രാജയാണ് ചിത്രത്തിന് സംഗീതം ഒരുക്കിയിരിക്കുന്നത്.ചിത്രത്തില്‍ വിജയ്യുടെ ഡീഏജിങ് ലുക്കിനും ഗാനങ്ങള്‍ക്കും ട്രെയ്‌ലറിനും സമ്മിശ്ര പ്രതികരണമാണ് പ്രേക്ഷകരില്‍ നിന്ന് ലഭിക്കുന്നത്. മീനാക്ഷി ചൗധരി, പ്രശാന്ത്, സ്നേഹ, ലൈല തുടങ്ങിയവരും ചിത്രത്തില്‍ പ്രധാന വേഷത്തിലെത്തുന്നുണ്ട്.
