ശ്രദ്ധ നേടി ഫാന്റസി ഹൊറർ കോമഡി 'ഹലോ മമ്മി'; തീയേറ്ററുകൾ ചിരിയുടെ പൂരപ്പറമ്പാക്കി ഷറഫുദ്ദീൻ; കൈയടി നേടി ഐശ്വര്യ ലക്ഷ്‍മിയും; ചിത്രത്തിന്റെ സക്സസ് ടീസര്‍ പുറത്ത്
കൊച്ചി: വ്യത്യസ്തമായ പ്രമേയവുമായെത്തി തീയറ്ററുകളിൽ കൈയടി നേടി മുന്നേറുകയാണ് 'ഹലോ മമ്മി'. മലയാളത്തില്‍ സമീപകാലത്ത് എത്തിയവയില്‍ പ്രേക്ഷകശ്രദ്ധ നേടിയ ചിത്രങ്ങളിലൊന്നായി മാറിയിരിക്കുകയാണ് ചിത്രം. ഫാന്റസി ഹൊറർ കോമഡി എന്‍റര്‍ടെയ്നര്‍ വിഭാഗത്തില്‍ പെടുന്ന ചിത്രത്തിൽ ഷറഫുദ്ദീനും ഐശ്വര്യ ലക്ഷ്മിയുമാണ് കേന്ദ്ര കഥാപാത്രങ്ങളായെത്തിയത്.
നവംബര്‍ 21നാണ് ചിത്രം തീയറ്ററുകളിൽ എത്തിയത്. മികച്ച അഭിപ്രായം നേടി മുന്നേറുന്നതിനിടെ ചിത്രത്തിന്റെ സക്സസ് ടീസര്‍ പുറത്തിറക്കിയിരിക്കുകയാണ് അണിയറ പ്രവർത്തകർ. ഒരു മിനിറ്റിലേറെ ദൈര്‍ഘ്യമുള്ള ടീസറാണ് പുറത്ത് വിട്ടിരിക്കുന്നത്.
സാൻജോ ജോസഫ് ആണ് ചിത്രത്തിന്റെ കഥയും തിരക്കഥയും ഒരുക്കുന്നത്. നടൻ സണ്ണി ഹിന്ദുജ പ്രധാന വേഷത്തിൽ അഭിനയിക്കുന്ന ആദ്യ മലയാള ചിത്രം എന്നൊരു പ്രേത്യകത കൂടിയുണ്ട് 'ഹലോ മമ്മി' എന്ന ചിത്രത്തിന്. ഹിന്ദി ചലച്ചിത്രങ്ങളിലൂടെയും ആസ്പിരന്റ്സ്, ദി ഫാമിലി മാൻ, ദി റെയിൽവേ മെൻ തുടങ്ങിയ വെബ് സീരീസുകളിലൂടെയും ശ്രദ്ധേയനാണ് സണ്ണി ഹിന്ദുജ.
അജു വർഗീസ്, ജഗദീഷ്, ജോണി ആന്റണി, ജോമോൻ ജ്യോതിർ, ബിന്ദു പണിക്കർ, അദ്രി ജോ, ശ്രുതി സുരേഷ്, ഗംഗാ മീരാ എന്നിവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. സന്തോഷ് ശിവന്റെ അസ്സോസിയേറ്റ് ആയിരുന്ന പ്രവീൺ കുമാറാണ് ഹലോ മമ്മിയുടെ ഛായാഗ്രഹണം നിർവഹിക്കുന്നത്. ജേക്ക്സ് ബിജോയിയാണ് ഹലോ മമ്മിയുടെ സംഗീത സംവിധാനം നിർവഹിക്കുന്നത്. 2018, ആർഡിഎക്സ് തുടങ്ങിയ ഹിറ്റ് ചിത്രങ്ങളുടെ ചിത്രസംയോജനം നിർവഹിച്ച ചമൻ ചാക്കോയാണ് ചിത്രത്തിന്റെ എഡിറ്റർ.
ക്രിയേറ്റിവ്‌ ഡയറക്റ്റർ രാഹുൽ ഇ എസ്, എക്സിക്യൂട്ടീവ് പ്രൊഡ്യൂസർ ബിജേഷ് താമി, പ്രൊഡക്ഷൻ കൺട്രോളർ പ്രശാന്ത് നാരായണൻ, വസ്ത്രാലങ്കാരം സമീറ സനീഷ്, മേക്കപ്പ് റോണക്സ് സേവ്യർ, പ്രൊഡക്ഷൻ ഡിസൈൻ സാബു മോഹൻ, ഗാനരചന മു. രി, സുഹൈൽ കോയ, സൗണ്ട് ഡിസൈൻ സിങ്ക് സിനിമ, ചീഫ് അസോസിയേറ്റ് വിശാഖ് ആർ വാരിയർ, വി എഫ് എക്സ് പിക്റ്റോറിയൽ എഫ്എക്‌സ്.
ഫൈറ്റ്സ് കലൈ കിങ്സൺ, പി സി സ്റ്റണ്ട്സ്, കൊറിയോഗ്രാഫി ഷെരീഫ്, സ്റ്റിൽസ് അമൽ സി സദർ, ഡിസൈൻ ടെൻ പോയിന്റ്, കളറിസ്റ്റ് ഷണ്മുഖ പാണ്ഡ്യൻ എം, പി ആർ ഒ പ്രതീഷ് ശേഖർ, മാർക്കറ്റിംഗ് സ്ട്രാറ്റജിസ്റ്റ്‌സ് വൈശാഖ് സി വടക്കേവീട്, ജിനു അനിൽകുമാർ എന്നിവരാണ് മറ്റ് അണിയറ പ്രവർത്തകർ
