കൊച്ചി: ഈ വർഷം കന്നഡ സിനിമാ ഇൻഡസ്ട്രിയിൽ നിന്ന് അപ്രതീക്ഷിത വിജയം നേടിയ 'സു ഫ്രം സോ' എന്ന ചിത്രം ഒടിടി റിലീസിന് ഒരുങ്ങുന്നു. ആഗോള ബോക്സ് ഓഫീസിൽ 100 കോടിയിലധികം രൂപ കളക്ഷൻ നേടിയ ചിത്രം സെപ്റ്റംബർ 5 മുതൽ 'ജിയോ ഹോട്ട്സ്റ്റാറിൽ' സ്ട്രീമിംഗ് ആരംഭിക്കുമെന്ന് റിപ്പോർട്ടുകൾ. ദുൽഖർ സൽമാൻ്റെ വിതരണ കമ്പനി കേരളത്തിലെത്തിച്ച ഈ ചിത്രം ഇവിടെയും മികച്ച സാമ്പത്തിക വിജയം സ്വന്തമാക്കിയിരുന്നു.

റിപ്പോർട്ടുകൾ പ്രകാരം വെറും 4.5 കോടി രൂപ മുതൽമുടക്കിൽ നിർമ്മിച്ച ചിത്രം ആഗോളതലത്തിൽ 106.8 കോടി രൂപയാണ് നേടിയത്. ഇന്ത്യയിലെ നെറ്റ് കളക്ഷൻ 78.82 കോടി രൂപയാണ്. ദുൽഖർ വിതരണത്തിനെത്തിച്ച കേരളത്തിൽ നിന്ന് മാത്രം 6.36 കോടി രൂപ ചിത്രം സ്വന്തമാക്കി. പ്രമുഖ ബോക്സ് ഓഫീസ് ട്രാക്കിംഗ് വെബ്സൈറ്റായ സാക്നിൽക്കാണ് ഈ കണക്കുകൾ പുറത്തുവിട്ടത്.

ജെ.പി. തുമിനാട് രചനയും സംവിധാനവും നിർവഹിച്ച് കേന്ദ്ര കഥാപാത്രത്തെ അവതരിപ്പിച്ച 'സു ഫ്രം സോ' ഒരു കോമഡി ഹൊറർ ചിത്രമാണ്. 2024 ജൂലൈ 25-ന് തിയേറ്ററുകളിലെത്തിയ ചിത്രം മികച്ച പ്രേക്ഷകാഭിപ്രായങ്ങളെത്തുടർന്ന് അപ്രതീക്ഷിതമായി തരംഗമാവുകയായിരുന്നു. കന്നഡ സിനിമാ വ്യവസായത്തിന് ഈ വർഷം ലഭിച്ച ആദ്യത്തെ സൂപ്പർ ഹിറ്റുകളിൽ ഒന്നായി ഈ ചിത്രം മാറി.

സു ഫ്രം സോഒടിടിജിയോ ഹോട്ട്സ്റ്റാർ

സ്വന്തം ലേഖകൻ