നവാഗതനായ ഫൈസൽ ഒരുക്കുന്ന 'മേനേ പ്യാർ കിയ', നായകനായി ഹൃദു ഹാറൂൺ; ആകാംഷ നിറച്ച് ചിത്രത്തിന്റെ പോസ്റ്റർ

കൊച്ചി: ഒടിടിയിലെത്തിയ ശേഷം പ്രേക്ഷക പ്രശംസ പിടിച്ചു പറ്റിയ ചിത്രമാണ് 'മന്ദാകിനി'. റൊമാന്റിക് കോമഡി വിഭാഗത്തിൽ എത്തിയ ചിത്രത്തിനു ശേഷം സ്പൈർ പ്രൊഡക്ഷൻസിന്‍റെ ബാനറിൽ സഞ്ജു ഉണ്ണിത്താൻ നിർമ്മിച്ച് നവാഗതനായ ഫൈസൽ രചിച്ചു സംവിധാനം ചെയ്യുന്ന 'മേനേ പ്യാർ കിയ' എന്ന ചിത്രത്തിൻ്റെ പോസ്റ്റർ റിലീസായി. ഹൃദു ഹാറൂൺ, പ്രീതി മുകുന്ദൻ, അസ്കർ അലി, മിദൂട്ടി, അർജ്യോ, ജഗദീഷ്, മുസ്തഫ, ജേറോ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. യുവ താരനിരയുമായി എത്തുന്ന ചിത്രം വേറിട്ടൊരു തീയേറ്റർ അനുഭവമാകുമെന്നാണ് പോസ്റ്റർ നൽകുന്ന സൂചന.

'മുറ' എന്ന ചിത്രത്തിലെ പ്രധാന വേഷത്തിലൂടെ പ്രേക്ഷക ശ്രദ്ധ പിടിച്ചു പറ്റിയ താരമാണ് ഹൃദു ഹാറൂൺ. ലോക സിനിമ ചാർട്ടിൽ ഇടം നേടിയ 'ഓൾ വീ ഇമാജിൻ അസ് ലൈറ്റിലും' ശ്രദ്ധേയമായ വേഷം അവതരിപ്പിക്കാൻ താരത്തിനായി. 'സ്റ്റാർ' എന്ന തമിഴ് ചിത്രത്തിലെ നായികയും 'ആസൈ കൂടൈ' എന്ന സൂപ്പർ ഹിറ്റ് മ്യൂസിക് വീഡിയോയിലൂടെയും ഏറേ ശ്രദ്ധേയയായ പ്രീതി മുകുന്ദൻ മലയാളത്തിൽ നായികയായി അരങ്ങേറ്റം കുറിക്കുന്ന ചിത്രം കൂടിയാണിത്. ജിയോ ബേബി, ശ്രീകാന്ത് വെട്ടിയാർ, റിഡിൻ കിംഗ്സിലി, ത്രികണ്ണൻ,മൈം ഗോപി,ബോക്സർ ദീന, ജനാർദ്ദനൻ,ജീവിത റെക്സ്,ബിബിൻ പെരുമ്പിള്ളി, എന്നിവരാണ് ചിത്രത്തിലെ മറ്റു പ്രമുഖ താരങ്ങൾ. സംവിധായകൻ ഫൈസൽ, ബിൽകെഫ്സൽ എന്നിവർ ചേർന്ന് തിരക്കഥ സംഭാഷണമെഴുതുന്ന 'മേനേ പ്യാർ കിയ' ഒരു റൊമാന്റിക് കോമഡി ത്രില്ലർ ചിത്രമാണ്.

ഡോൺപോൾ പി ഛായാഗ്രഹണം നിർവ്വഹിക്കുന്ന ചിത്രത്തിന്റെ . സംഗീതം അജ്മൽ ഹസ്ബുള്ള, എഡിറ്റിംഗ് കണ്ണൻ മോഹൻ, എക്സിക്യൂട്ടീവ് പ്രൊഡ്യൂസർ-ബിനു നായർ,പ്രൊഡക്ഷൻ കൺട്രോളർ-ശിഹാബ് വെണ്ണല, കലാസംവിധാനം സുനിൽ കുമാരൻ, ചീഫ് അസ്സോസിയേറ്റ് ഡയറക്ടർ രാജേഷ് അടൂർ, കോസ്റ്റ്യൂംസ് അരുൺ മനോഹർ, മേക്കപ്പ് ജിത്തു പയ്യന്നൂർ,സൗണ്ട് ഡിസൈൻ രംഗനാഥ് രവി, സംഘട്ടനം കലൈ കിംങ്സൺ, പ്രൊജക്റ്റ് ഡിസൈനർ സൗമ്യത വർമ്മ,ഡിഐ ബിലാൽ റഷീദ്, അസ്സോസിയേറ്റ് ഡയറക്ടർ-അശ്വിൻ മോഹൻ,ഷിഹാൻ മുഹമ്മദ്,വിഷ്ണു രവി, സ്റ്റിൽസ് ഷൈൻ ചെട്ടികുളങ്ങര, പ്രൊഡക്ഷൻ എക്സിക്യൂട്ടിവ് വിനോദ് വേണുഗോപാൽ, ആന്റണി കുട്ടമ്പുഴ, ഡിസൈൻ യെല്ലോ ടൂത്ത്സ്,വിതരണം സ്പയർ പ്രൊഡക്ഷൻസ്, അഡ്മിനിസ്ട്രേഷൻ ആന്റ് ഡിസ്ട്രിബൂഷൻ ഹെഡ് പ്രദീപ് മേനോൻ,പി ആർ ഒ എ എസ് ദിനേശ്, ശബരി.