മലയാള സിനിമയുടെ മാറുന്ന മുഖം'; അമ്മ കൂട്ടരാജിക്ക് പിന്നാലെ പോസ്റ്റര്‍ പങ്കുവച്ച് മഞ്ജു വാര്യര്‍
തിരുവനന്തപുരം: സംഘടനക്കുള്ളില്‍ ഭിന്നത രൂക്ഷമായതോടെ അമ്മ പ്രസിഡന്റ് മോഹന്‍ലാല്‍ അടക്കമുള്ള മുഴുവന്‍ ഭാരവാഹികളും രാജിവെച്ചിരിക്കയാണ്. ഇതിന് പിന്നാലെ മഞ്ജുവാര്യര്‍ ഫേസ്ബുക്കില്‍ പങ്കുവെച്ച പോസ്റ്റാണ് ശ്രദ്ധ നേടുന്നത്. മലയാള സിനിമയുടെ മാറുന്ന മുഖമെന്ന കുറിപ്പോടെയാണ് പോസ്റ്റര്‍ പങ്കുവച്ചിരിക്കുന്നത്. മഞ്ജുവിന്റെ പുതിയ ചിത്രമായ ഫുട്ടേജിന്റെ പോസ്റ്ററാണ് താരം പങ്കുവച്ചത്. വില്ലനെ അടിച്ച് താഴെയിടുന്ന നായികയുടെ ആക്ഷന്‍ രംഗമാണ് പോസ്റ്ററിലുള്ളത്. നിങ്ങളുടെ അടുത്ത തിയേറ്ററുകളില്‍ സിനിമ കാണാമെന്ന് നടി കുറിച്ചിട്ടുമുണ്ട്. പോസ്റ്റര്‍ സമൂഹമാദ്ധ്യങ്ങളില്‍ വൈറലാവുകയാണ്.ഇന്ന് ചേര്‍ന്ന് ഓണ്‍ലൈന്‍ യോഗത്തിന് പിന്നാലെയാണ് അമ്മ […]
തിരുവനന്തപുരം: സംഘടനക്കുള്ളില്‍ ഭിന്നത രൂക്ഷമായതോടെ അമ്മ പ്രസിഡന്റ് മോഹന്‍ലാല്‍ അടക്കമുള്ള മുഴുവന്‍ ഭാരവാഹികളും രാജിവെച്ചിരിക്കയാണ്. ഇതിന് പിന്നാലെ മഞ്ജുവാര്യര്‍ ഫേസ്ബുക്കില്‍ പങ്കുവെച്ച പോസ്റ്റാണ് ശ്രദ്ധ നേടുന്നത്.
മലയാള സിനിമയുടെ മാറുന്ന മുഖമെന്ന കുറിപ്പോടെയാണ് പോസ്റ്റര്‍ പങ്കുവച്ചിരിക്കുന്നത്. മഞ്ജുവിന്റെ പുതിയ ചിത്രമായ ഫുട്ടേജിന്റെ പോസ്റ്ററാണ് താരം പങ്കുവച്ചത്. വില്ലനെ അടിച്ച് താഴെയിടുന്ന നായികയുടെ ആക്ഷന്‍ രംഗമാണ് പോസ്റ്ററിലുള്ളത്. നിങ്ങളുടെ അടുത്ത തിയേറ്ററുകളില്‍ സിനിമ കാണാമെന്ന് നടി കുറിച്ചിട്ടുമുണ്ട്. പോസ്റ്റര്‍ സമൂഹമാദ്ധ്യങ്ങളില്‍ വൈറലാവുകയാണ്.ഇന്ന് ചേര്‍ന്ന് ഓണ്‍ലൈന്‍ യോഗത്തിന് പിന്നാലെയാണ് അമ്മ ഭരണസമിതി രാജി പ്രഖ്യാപിച്ചത്.
താല്‍ക്കാലിക ചുമതല അഡ്‌ഹോക്ക് കമ്മിറ്റിക്ക് നല്‍കി. രണ്ട് മാസത്തിനകം പുതിയ ഭരണസമിതി രൂപീകരിക്കുമെന്നാണ് വിവരം.മഞ്ജു വാര്യരെ കേന്ദ്ര കഥാപാത്രമാക്കി എഡിറ്റര്‍ സൈജു ശ്രീധരന്‍ ആദ്യമായി സംവിധാനം ചെയ്യുന്ന സിനിമയാണ് ഫൂട്ടേജ്. വിശാഖ് നായര്‍, ഗായത്രി അശോക് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
കുമ്പളങ്ങി നൈറ്റ്‌സ്, അഞ്ചാം പാതിര, മഹേഷിന്റെ പ്രതികാരം എന്നീ ചിത്രങ്ങളുടെ ചിത്രസംയോജകനായ സൈജു ശ്രീധരന്റെ ആദ്യ ചിത്രം പ്രേക്ഷകരിലേക്ക് എത്തിക്കുന്നത് മാര്‍ട്ടിന്‍ പ്രകാട്ട് ഫിലിംസാണ്. മൂവി ബക്കറ്റ്, കാസ്റ്റ് ആന്‍ഡ് കോ, പെയില്‍ ബ്ലൂ ഡോട്ട് പിക്‌ചേഴ്‌സ് എന്നിവയുടെ ബാനറില്‍ ബിനീഷ് ചന്ദ്രന്‍, സൈജു ശ്രീധരന്‍ എന്നിവര്‍ ചേര്‍ന്നാണ് നിര്‍മ്മാണം.
