ഞെട്ടിക്കാൻ കാര്‍ത്തിക് സുബ്ബരാജ്-സൂര്യ കൂട്ടുകെട്ടിലെ ആക്ഷൻ പാക്ക്ഡ് ത്രില്ലർ; ചിത്രത്തിന്റെ വമ്പൻ അപ്ഡേറ്റെത്തി; റെട്രോയുടെ ഒടിടി റൈറ്റ്സ് സ്വന്തമാക്കി നെറ്റ്ഫ്ലിക്സിന്
ചെന്നൈ: വൻ ഹൈപ്പോടെയെത്തി തീയേറ്ററുകളിൽ പരാജയമായി മാറിയ ചിത്രമായിരുന്നു 'കങ്കുവ'. ചിത്രത്തിനേറ്റ അപ്രതീക്ഷ പരാജയത്തിന് ശേഷം വലിയൊരു തിരിച്ചു വരവിനൊരുങ്ങുകയാണ് സൂപ്പർ താരം സൂര്യ. കാര്‍ത്തിക് സുബ്ബരാജ്-സൂര്യ കൂട്ടുകെട്ടിലൊരുങ്ങിയ റെട്രോ വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. ചിത്രത്തിന്റേതായി പുറത്തിറങ്ങിയ ടൈറ്റിൽ ടീസർ വലിയ ശ്രദ്ധ നേടിയിരുന്നു. ആക്ഷനും, റൊമാൻസിനും പ്രാധാന്യം നൽകി ഒരുക്കുന്ന ചിത്രം മികച്ച തീയേറ്റർ എക്സ്പീരിയൻസ് ആകുമെന്നാണ് ആരാധകരുടെ വിലയിരുത്തൽ. മെയ് 1 നാണ് ചിത്രം തീയേറ്ററുകളിൽ എത്തുന്നത്. ഇപ്പോഴിതാ ചിത്രത്തിന്റെ ഒടിടി റൈറ്റ്സുമായി ബന്ധപ്പെട്ട വാർത്തകളാണ് പുറത്ത് വരുന്നത്. നെറ്റ്ഫ്ലിക്‌സാണ് ചിത്രത്തിന്റെ ഒടിടി റൈറ്സ് സ്വന്തമാക്കിയിരിക്കുന്നത്.
ലവ്, ലോട്ടർ, വാർ എന്ന ടാഗ് ലൈനിൽ എത്തുന്ന ചിത്രത്തിന്റെ ടൈറ്റിൽ ടീസറിൽ പ്രണയവും ആക്ഷനും ചേർന്ന രംഗങ്ങളാണ് ഉൾക്കൊള്ളിച്ചിരിക്കുന്നത്. ചിത്രത്തിൽ പൂജാ ഹെഗ്‌ഡെ ആണ് നായിക. ജോജു ജോർജ്, ജയറാം, കരുണാകരൻ തുടങ്ങി വമ്പൻ താരനിരയാണ് ചിത്രത്തിലുള്ളത്. സന്തോഷ് നാരായണനാണ് 'റെട്രോ' യുടെ സംഗീത സംവിധാനം നിർവഹിക്കുന്നത്.
സൂര്യയുടെ 2D എന്റർടൈൻമെന്റ്സും കാർത്തിക്ക് സുബ്ബരാജിന്റെ സ്റ്റോൺ ബെഞ്ച് ഫിലിംസും ചേർന്നാണ് ചിത്രം നിർമ്മിക്കുന്നത്. ജ്യോതികയും സൂര്യയും ചേർന്ന് നിർമ്മിക്കുന്ന ചിത്രത്തിന്റെ കോ പ്രൊഡ്യൂസേർസ് രാജ് ശേഖർ കർപ്പൂരസുന്ദരപാണ്ട്യനും കാർത്തികേയൻ സന്താനവുമാണ്. ശ്രേയാസ് കൃഷ്ണ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മുഹമ്മദ് ഷഫീഖ് അലിയാണ്.
കലാസംവിധാനം ജാക്കി, വസ്ത്രാലങ്കാരം പ്രവീൺ രാജ, സ്റ്റണ്ട് കേച്ച കംഫക്ദീ, മേക്കപ്പ് വിനോദ് സുകുമാരൻ, സൗണ്ട് ഡിസൈൻ സുരൻ.ജി, അളഗിയക്കൂത്തൻ, കൊറിയോഗ്രാഫി ഷെരീഫ്.എം ,പബ്ലിസിറ്റി ഡിസൈൻ ട്യൂണി ജോൺ, പി ആർ ഓ ആൻഡ് മാർക്കറ്റിംഗ് കൺസൽട്ടന്റ് പ്രതീഷ് ശേഖർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
