വാഴ ബോക്‌സോഫീസില്‍ വന്‍ ഹിറ്റ്; വാഴ രണ്ടാം ഭാഗം ഉടന്‍; സംവിധായകന്‍ പുതിയൊരാള്‍; സര്‍പ്രൈസായി പ്രഖ്യാപനം
യുവതാരങ്ങളെ അണിനിരത്തി ആനന്ദ് മേനോന്‍ സംവിധാനം ചെയ്ത ചിത്രം വാഴ ബോക്‌സോഫീസില്‍ വന്‍ ഹിറ്റായി മാറിയിരുന്നു. വിപിന്‍ ദാസാണ് വാഴയുടെ തിരക്കഥ ഒരുക്കിയിരിക്കുന്നത്. പ്രതീക്ഷിച്ചതിനേക്കാള്‍ വലിയ ഹിറ്റായി മാറിയിരിക്കുകയാണ് വാഴ. ചിരിക്ക് പ്രാധാന്യം നല്‍കിയ ഒരു ചിത്രമായിരുന്നു വാഴ. വാഴ രണ്ട് പ്രഖ്യാപിച്ചുവെന്ന പുതിയ വാര്‍ത്തയാണ് നിലവില്‍ ചര്‍ച്ചയാകുന്നത്. സംവിധായകനെ മാറ്റിയാണ് വാഴ രണ്ടാം ഭാഗം എത്തിക്കുന്നത്. ഇപ്പോഴിതാ സര്‍പ്രൈസ് പ്രഖ്യാപനവുമായി രംഗത്തെത്തിയിരിക്കുകയാണ് സംവിധായകന്‍ ആനന്ദ് മേനോന്‍. ചിത്രത്തിന്റെ രണ്ടാം ഭാഗം ഉടന്‍ ഉണ്ടാകുമെന്നാണ് അറിയിച്ചിരിക്കുന്നത്. വിപിന്‍ […]
യുവതാരങ്ങളെ അണിനിരത്തി ആനന്ദ് മേനോന്‍ സംവിധാനം ചെയ്ത ചിത്രം വാഴ ബോക്‌സോഫീസില്‍ വന്‍ ഹിറ്റായി മാറിയിരുന്നു. വിപിന്‍ ദാസാണ് വാഴയുടെ തിരക്കഥ ഒരുക്കിയിരിക്കുന്നത്. പ്രതീക്ഷിച്ചതിനേക്കാള്‍ വലിയ ഹിറ്റായി മാറിയിരിക്കുകയാണ് വാഴ. ചിരിക്ക് പ്രാധാന്യം നല്‍കിയ ഒരു ചിത്രമായിരുന്നു വാഴ. വാഴ രണ്ട് പ്രഖ്യാപിച്ചുവെന്ന പുതിയ വാര്‍ത്തയാണ് നിലവില്‍ ചര്‍ച്ചയാകുന്നത്. സംവിധായകനെ മാറ്റിയാണ് വാഴ രണ്ടാം ഭാഗം എത്തിക്കുന്നത്.
ഇപ്പോഴിതാ സര്‍പ്രൈസ് പ്രഖ്യാപനവുമായി രംഗത്തെത്തിയിരിക്കുകയാണ് സംവിധായകന്‍ ആനന്ദ് മേനോന്‍. ചിത്രത്തിന്റെ രണ്ടാം ഭാഗം ഉടന്‍ ഉണ്ടാകുമെന്നാണ് അറിയിച്ചിരിക്കുന്നത്. വിപിന്‍ ദാസ് തന്നെ രചന നിര്‍വ്വഹിക്കുന്ന ചിത്രത്തിന്റെ രണ്ടാം ഭാഗം സവിന്‍ എസാണ് സംവിധാനം ചെയ്യുന്നത്. ആഗോളതലത്തില്‍ 12 കോടിയാണ് വാഴ നേടിയിരിക്കുന്നത്. യുവാക്കളുടെ കഥ പറയുന്ന വളരെ രസകരമായ സംഭവങ്ങളിലൂടെയാണ് ചിത്രം കടന്നുപോകുന്നത്. സമൂഹമാദ്ധ്യമങ്ങളിലൂടെ ശ്രദ്ധ നേടിയ സിജു സണ്ണി, ജോമോന്‍ ജ്യോതിര്‍, ഹാഷിര്‍, അലന്‍, വിനായക്, അജിന്‍ ജോയ്, അമിത് മോഹന്‍, അനുരാജ്, അന്‍ഷിദ് അനു, അശ്വിന്‍ വിജയന്‍ എന്നിവര്‍ തകര്‍ത്ത് അഭിനയിച്ച വാഴ പ്രേക്ഷകര്‍ ഇതിനോടകം ഏറ്റെടുത്ത് കഴിഞ്ഞു.
യുവാക്കളെയും കുടുംബപ്രേക്ഷകരെയും ഒരുപോലെ രസിപ്പിക്കുന്ന ചിത്രമാണിതെന്നാണ് സിനിമാസ്വാദകര്‍ പങ്കുവക്കുന്നത്. നോബി മാര്‍ക്കോസ്, കോട്ടയം നസീര്‍, അസീസ് നെടുമങ്ങാട്, അരുണ്‍ സോള്‍, രാജേശ്വരി, ശ്രുതി മണികണ്ഠന്‍, മീനാക്ഷി ഉണ്ണികൃഷ്ണന്‍, സിയാ വിന്‍സെന്റ്, പ്രിയ ശ്രീജിത്ത് എന്നിവരാണ് ചിത്രത്തിലെ മറ്റ് താരങ്ങള്‍.
പാര്‍വതിഷ് പ്രദീപ്, നൊമാഡിക് വോയിസ്, ഇലക്ട്രോണിക് കിളി, റാക്‌സ് റേഡിയന്റ്, രജത് പ്രകാശ്, ജയ് സ്റ്റെല്ലാര്‍ എന്നിവര്‍ അടങ്ങുന്ന വാഴ മ്യൂസിക് ടീം മെമ്പേഴ്‌സിന്റെ ഗ്രൂപ്പ് ഹെഡ് അങ്കിത് മേനോനാണ്. മേക്കപ്പ് സുധി സുരേന്ദ്രന്‍. സൗണ്ട് മിക്‌സിംങ് വിഷ്ണു സുജാതന്‍. പ്രൊഡക്ഷന്‍ കണ്‍ട്രോളര്‍ റിന്നി ദിവാകരന്‍.
നീരജ് മാധവിന്റെ 'ഗൗതമന്റെ രഥ'ത്തിന്റെ സംവിധായകനാണ് ആനന്ദ് മേനോന്‍. ആനന്ദ് മേനോന്‍ രണ്ടാമത് ഒരു ചിത്രവുമായി എത്തുമ്പോള്‍ നിര്‍ണായക വേഷത്തില്‍ പുതുമുഖങ്ങളാണ്. അരുണ്‍ എസ് മണി ആണ് ചിത്രത്തിന്റെ സൗണ്ട് ഡിസൈന്‍. കലാസംവിധാനം ബാബു പിള്ള നിര്‍വഹിക്കുന്ന ചിത്രത്തിന്റെ പിആര്‍ഒ എ എസ് ദിനേശ്, ഡിജിറ്റല്‍, പിആര്‍ഒ വിപിന്‍ കുമാര്‍, ഡിഐ ജോയ്‌നര്‍ തോമസ്, ചീഫ് അസോസിയേറ്റ്: ശ്രീലാല്‍, പ്രൊഡക്ഷന്‍ എക്‌സിക്യൂട്ടീവ് അനീഷ് നന്തിപുലം, അസോസിയേറ്റ് ഡയറക്ടര്‍ അനൂപ് രാജ്, സവിന്‍. സ്റ്റില്‍സ് അമല്‍ ജെയിംസ്, ടൈറ്റില്‍ ഡിസൈന്‍ സാര്‍ക്കാസനം, ഡിസൈന്‍ യെല്ലോ ടൂത്ത്‌സ് എന്നിവരും ആണ്.
