''ഇന്നൊരു വലിയ കാര്യത്തിന് ഇറങ്ങുവാണ് കാത്തോളണം..''; ഇന്ദ്രജിത്തിന്റെ ക്രൈം കോമഡി ചിത്രം 'ഞാന്‍ കണ്ടതാ സാറേ'; ട്രെയ്‌ലർ പുറത്ത്
മലയാളികളുടെ പ്രിയ താരമാണ് ഇന്ദ്രജിത്ത്. വലിയ പ്രതീക്ഷകളോടെ തീയേറ്ററുകളിൽ പ്രദർശനത്തിനെത്തുന്നു ഇന്ദ്രജിത്ത് ചിത്രമാണ് 'ഞാന്‍ കണ്ടതാ സാറേ'. ഫസ്റ്റ് ലുക്ക് പോസ്റ്റർ എത്തിയത് മുതൽ ചിത്രം വലിയ ചർച്ചയായിരുന്നു. നവാഗതനായ വരുണ്‍ ജി. പണിക്കർ സംവിധാനം ചെയ്യുന്ന ചിത്രത്തിന്റെ പ്രൊമോഷൻ മെറ്റീരിയലുകളെല്ലാം വലിയ ആകാംഷയാണ് നൽകിയത്.
ഇപ്പോഴിതാ ചിത്രത്തിന്റെ ട്രെയ്‌ലർ പുറത്ത് വിട്ടിരിക്കുയാണ് അണിയറ പ്രവർത്തകർ. 1.48 മിനിറ്റ് ദൈര്‍ഘ്യമുള്ള ട്രെയ്‌ലർ ആണ് പുറത്തെത്തിയിരിക്കുന്നത്. നവംബര്‍ 22നാണ് ചിത്രം തിയേറ്ററുകളില്‍ എത്തുന്നത്.ഒരു ക്രൈം കോമഡി ചിത്രമായിരിക്കും 'ഞാന്‍ കണ്ടതാ സാറേ' എന്നാണ് ട്രെയ്‌ലർ വ്യക്തമാക്കുന്നത്.
ഒരു കുറ്റകൃത്യത്തിൻ്റെ പ്രധാന സാക്ഷിയാകുന്ന ഇന്ദ്രജിത്തുമായി ചുറ്റിപറ്റി നടക്കുന്ന കേസന്വേഷണമാണ് ചിത്രം പറയുന്നത്. ഹൈലൈന്‍ പിക്‌ച്ചേഴ്‌സ്ഇന്‍ അസ്സോസ്റ്റി യേഷന്‍ വിത്ത് ലെമണ്‍ പ്രൊഡക്ഷന്‍സിന്റെ ബാനറില്‍ പ്രകാശ് ഹൈലൈനും പ്രശസ്ത സംവിധായകന്‍ ദീപു കരുണാകരനും ചേര്‍ന്നാണ് ചിത്രം നിര്‍മ്മിക്കുന്നത്.
ഇന്ദ്രജിത്തിനൊപ്പം ബൈജു സന്തോഷ്, അനൂപ് മേനോൻ, മറീന മൈക്കിൾ, സാബുമോൻ, സുധീർ കരമന, അലൻസിയർ, മല്ലിക സുകുമാരൻ എന്നിവരും ചിത്രത്തിൽ പ്രധാനവേഷങ്ങൾ എത്തുന്നുണ്ട്. ചിത്രത്തിന്റെ രചന അരുൺ കരിമുട്ടാണ്. പ്രശാന്ത് കൃഷ്ണ ഛായാഗ്രണം നിർവഹിക്കുന്ന ചിത്രത്തിന്റെ എഡിറ്റർ എം എസ് അയ്യപ്പൻ നായരാണ്. ചിത്രത്തിനായി സംഗീതം ഒരുക്കുന്നത് രാഹുൽ രാജാണ്.
കലാസംവിധാനം സാബുറാം, മേക്കപ്പ് പ്രദീപ് വിതുര, കോസ്റ്റ്യും ഡിസൈന്‍ അസീസ് പാലക്കാട്, ചീഫ് അസ്റ്റോസ്സിയേറ്റ് ഡയറക്ടര്‍ സഞ്ജു അമ്പാടി, ഫിനാന്‍സ് കണ്‍ടോളര്‍ സന്തോഷ് ബാലരാമപുരം, പ്രൊഡക്ഷന്‍ മാനേജര്‍ കുര്യന്‍ ജോസഫ്, പ്രൊഡക്ഷന്‍ എക്‌സിക്കുട്ടീവ് ഹരി കാട്ടാക്കട, പ്രൊഡക്ഷന്‍ കണ്‍ട്രോളര്‍ മുരുകന്‍.എസ്.
