കൊച്ചി: നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി രത്തീന സംവിധാനം ചെയ്യുന്ന പുതിയ ചിത്രം ‘പാതിരാത്രി’യുടെ ഫസ്റ്റ് ലുക്ക് പോസ്റ്റർ പുറത്ത്. ചിത്രത്തിൽ ഇരുവരും പൊലീസ് ഉദ്യോഗസ്ഥരുടെ വേഷത്തിലെത്തുന്നു. രത്തീന സംവിധാനം ചെയ്യുന്ന രണ്ടാമത്തെ ചിത്രമാണിത്. ചിത്രം ഒക്ടോബറിൽ പ്രദർശനത്തിനെത്തും. മമ്മൂട്ടിയെ നായകനാഎത്തിയ 'പുഴു' ആയിരുന്നു രത്തീന ആദ്യ സംവിധാനം ചെയ്ത ചിത്രം.

കെ.വി. അബ്ദുൾ നാസറും ആഷിയ നാസറും ചേർന്നാണ് ചിത്രം നിർമ്മിക്കുന്നത്. ഡ്രീം ബിഗ് ഫിലിംസ് ആണ് കേരളത്തിൽ വിതരണത്തിനെടുത്തിരിക്കുന്നത്. നവ്യ, സൗബിൻ എന്നിവരെ കൂടാതെ ആൻ അഗസ്റ്റിൻ, സണ്ണി വെയ്ൻ, ആത്മീയ, ഹരിശ്രീ അശോകൻ, ഇന്ദ്രൻസ്, കന്നഡ താരം അച്യുത് കുമാർ തുടങ്ങിയവരും ചിത്രത്തിൽ അണിനിരക്കുന്നു.

ഷാജി മാറാടാണ് ചിത്രത്തിൻ്റെ തിരക്കഥ രചിച്ചിരിക്കുന്നത്. ജേക്സ് ബിജോയ് സംഗീതം നൽകുന്ന ചിത്രം, 'തുടരും', 'ലോക' എന്നീ ചിത്രങ്ങൾക്ക് ശേഷം അദ്ദേഹം സംഗീതമൊരുക്കുന്ന പ്രോജക്ട് കൂടിയാണ്. ഷെഹ്നാദ് ജലാൽ ഛായാഗ്രഹണം നിർവഹിക്കുന്ന ചിത്രത്തിൻ്റെ എഡിറ്റർ ശ്രീജിത്ത് സാരങ് ആണ്.

നവ്യ നായർസൗബിൻ ഷാഹിർഫസ്റ്റ് ലുക്ക് പോസ്റ്റർ

സ്വന്തം ലേഖകൻ