വിജയ്ക്കും സൂര്യയ്ക്കും ശേഷം രജനിക്കൊപ്പവും; കൂലിയില്‍ പൂജ ഹെഗ്‌ഡെയും? ഐറ്റം ഡാന്‍സുമായി താരം; പുതിയ അപ്‌ഡേറ്റ് പുറത്ത് വിട്ട് അണിയറപ്രവര്‍ത്തകര്‍
രജനികാന്ത്- ലോകേഷ് ചിത്രമായ കൂലിയുടെ കാത്തിരിപ്പിലാണ് ആരാധകര്‍. ലേകേഷും രജനിയും ആദ്യമായി കൈക്കോര്‍ക്കുന്ന ചിത്രമാണിത്. അതുകൊണ്ട് തന്നെ ആരാധകര്‍ വളരെ ആവേശത്തോടെയാണ് ചിത്രത്തിനെ നോക്കിക്കാണുന്നത്. ചിത്രത്തിന്റെ ഓരോ അപഡേറ്റും വളരെ സ്വീകര്യതയാണ് ലഭിക്കുന്നത്. ചിത്രത്തിന്റെ ഷൂട്ടിങ് പുരോഗമിക്കുകയാണ്. ഇപ്പോള്‍ പുതിയ അപ്‌ഡേറ്റുമായി എത്തിയിരിക്കുകയാണ് ചിത്രത്തിന്റെ അണിയറപ്രവര്‍ത്തകര്‍. ചിത്രത്തിന്റെ ഭാഗമാകാന്‍ പൂജ ഹെഗ്‌ഡെയും എത്തുന്നു എന്നാണ് പുതിയ റിപ്പോര്‍ട്ട്.
ചിത്രത്തില്‍ പൂജ ഹെഗ്ഡെയുടെ സ്‌പെഷ്യല്‍ ഡാന്‍സ് നമ്പര്‍ ഉണ്ടാകുമെന്നാണ് റിപ്പോര്‍ട്ടുകള്‍. സിനിമയില്‍ ആരാധകരെ ആവേശത്തിലാഴ്ത്തുന്ന ഡാന്‍സ് നമ്പറാകും ഇതെന്നും സൂചനയുണ്ട്. അനിരുദ്ധ് രവിചന്ദര്‍ ആണ് കൂലിയുടെ സംഗീത സംവിധാനം. പുറത്തുവരുന്ന റിപ്പോര്‍ട്ടുകള്‍ ശരിയാണെങ്കില്‍ പൂജയുടെ കരിയറിലെ മൂന്നാമത്തെ ഐറ്റം ഡാന്‍സ് ആകുമിത്. ഇതിന് മുന്‍പ് റാം ചരണിനൊപ്പം രംഗസ്ഥലം, അനില്‍ രവിപുടി സംവിധാനം ചെയ്ത എഫ് 3 എന്നീ ചിത്രങ്ങളിലും പൂജ ഐറ്റം ഡാന്‍സുമായെത്തിയിരുന്നു.
കൂലിക്ക് പുറമെ നിരവധി ചിത്രങ്ങളാണ് താരത്തിന്റേതായി ഒരുങ്ങുന്നത്. വിജയ്‌ക്കൊപ്പം ജനനായകന്‍, സൂര്യക്കൊപ്പം റെട്രോ എന്നീ ചിത്രങ്ങളും താരത്തിന്റെതായി ഇറങ്ങാന്‍ ഇരിക്കുന്നത്. സണ്‍ പിക്ചേഴ്സിന്റെ ബാനറില്‍ കലാനിധി മാരനാണ് കൂലി നിര്‍മിക്കുന്നത്. നാഗാര്‍ജുന അക്കിനേനി, ഉപേന്ദ്ര, സത്യരാജ്, സൗബിന്‍ ഷാഹിര്‍, ശ്രുതി ഹാസന്‍, റെബ മോണിക്ക ജോണ്‍ എന്നിവരാണ് ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നത്.
ചിത്രം ലോകേഷ് സിനിമാറ്റിക് യൂണിവേഴ്‌സിന്റെ ഭാഗമല്ലെന്ന് നേരത്തെ ലോകേഷ് കനകരാജ് പറഞ്ഞിരുന്നു. ഗിരീഷ് ഗംഗാധരന്‍ ആണ് കാമറ കൈകാര്യം ചെയ്തിരിക്കുന്നത്. ചിത്രത്തിന്റെ എഡിറ്റിങ് നിര്‍വഹിക്കുന്നത് ഫിലോമിന്‍ രാജ് ആണ്.
