എറണാകുളം: തെലുങ്കിലെ ശ്രദ്ധേയനായ നിർമ്മാണ കമ്പനികളിൽ ഒന്നാണ് 'സിനിമാബണ്ടി'. ഇതിനോടകം മൂന്ന് ചിത്രങ്ങളും നാല് ഒടിടി വെബ് സിരീസുകളും നിർമ്മിച്ചിട്ടുള്ള പ്രൊഡക്ഷൻ കമ്പനി മലയാളത്തിൽ ചുവടുറപ്പിക്കാൻ തയ്യാറെടുക്കുകയാണ്. 'സിനിമാബണ്ടി' യുടെ ബാനറിൽ ആദ്യ മലയാള ചിത്രം എത്തുകയാണ്. ശ്രീകാന്ത് കന്ദ്രഗുള നിർമ്മിച്ച് കന്ദ്രഗുള ലാവണ്യ റാണി അവതരിപ്പിക്കുന്ന 'സൂത്രവാക്യ'ത്തിൻ്റെ പൂജ എറണാകുളം അഞ്ചുമന ദേവി ക്ഷേത്രത്തിൽ വെച്ച് നടന്നു. നവാഗതനായ യുജീൻ ജോസ് ചിറമ്മേൽ ആണ് സംവിധാനം ചെയ്യുന്നത്.

ഷൈൻ ടോം ചാക്കോ, വിൻസി അലോഷ്യസ്, ദീപക് പറമ്പോൽ എന്നിവരാണ് ചിത്രത്തിലെ പ്രധാന താരങ്ങൾ. സംവിധായകൻ യുജീൻ ജോസ് ചിറമ്മൽ തന്നെ തിരക്കഥയിൽ ഒരുക്കുന്ന ചിത്രത്തിന്റെ കഥ ഒരുക്കിയിരിക്കുന്നത് സംവിധായകനും തിരക്കഥാകൃത്തുമായ റെജിൻ എസ് ബാബുവാണ്. 'പെൻഡുലം' എന്ന ചിത്രത്തിന്റെ രചനയും, സംവിധാനവും നിർവഹിച്ച റെജിൻ മലയാളി പ്രേക്ഷകർക്ക് സുപരിചിതനാണ്. 'സൂത്രവാക്യ'ത്തിൻ്റെ ഛായാഗ്രഹണം ശ്രീരാം ചന്ദ്രശേഖരൻ നിർവഹിക്കുമ്പോൾ, സംഗീതം ജീൻ പി ജോൺസൻ, എഡിറ്റിംഗ് നിതീഷ് കെ ടി ആർ എന്നിവരാണ്.

സൗണ്ട് ഡിസൈൻ പ്രശാന്ത് പി മേനോൻ, ഫൈനൽ മിക്സിംഗ് സിനോയ് ജോസഫ്, പ്രൊഡക്ഷൻ ഡിസൈൻ അപ്പുണ്ണി സാജൻ, എക്സിക്യൂട്ടീവ് പ്രൊഡ്യൂസർ ഡി ഗിരീഷ് റെഡ്ഡി, അസ്സോസിയേറ്റ് എക്സിക്യൂട്ടീവ് പ്രൊഡ്യൂസർ സൗജന്യ വർമ്മ, പ്രൊഡക്ഷൻ കൺട്രോളർ ജോബ് ജോർജ്, വസ്ത്രാലങ്കാരം വിപിൻ ദാസ്, മേക്കപ്പ് റോണി വെള്ളത്തൂവൽ, ചീഫ് അസോസിയേറ്റ് ഡയറക്ടർ അബ്രു സൈമൺ, മാർക്കറ്റിംഗ്, ബ്രാൻഡിംഗ് & പോസ്റ്റർ റാബിറ്റ് ബോക്സ് ആഡ്‌സ്, പിആർഒ എ എസ് ദിനേശ്, ശബരി.

സിനിമാബണ്ടിപൂജസൂത്രവാക്യം

സ്വന്തം ലേഖകൻ