പുഷ്പ ഒരു പേരല്ല ബ്രാൻഡ്..; പാർട്ടി ഉണ്ട് പുഷ്‌പാ..; തമ്മിൽ പോരടിച്ച് പുഷ്പയും ഭൻവർ സിങ്ങും; ഫുൾ അടിയും വെടിയും പുകയും; കത്തി കയറി പുഷ്പ 2 ട്രെയ്‌ലർ; ഇത് വേറെ മാതിരി വൈൽഡ് ഫയറെന്ന് ആരാധകർ..!
പുഷ്പ എന്ന ഒറ്റച്ചിത്രം കൊണ്ട് ഇന്ത്യ മുഴുവൻ കത്തികയറിയ താരമാണ് തെലുഗ് നടൻ അല്ലു അർജുൻ. ആ സിനിമയോടെ താരത്തിന്റെ തലവരയും മാറി നാഷണൽ അവാർഡിൽ വരെ കാര്യങ്ങൾ കൊണ്ടെത്തിച്ചു. ഒരു സമയത്ത് നോർത്ത് ഇന്ത്യൻ ഇൻസ്റ്റ റീൽസിൽ പോലും പുഷ്പ രാജ് തരംഗം ആയിരുന്നു. അത്രയ്ക്കും കോളിളക്കമായിരിന്നു പുഷ്പ സിനിമ സൃഷ്ട്ടിച്ചത്. സൗത്ത് ഇന്ത്യയിലും വളരെ ഹിറ്റ് ആയിരിന്നു ചിത്രം. അവസാനം ഫഹദ് വുമായി ഉടക്കി യാണ് പുഷ്പ ആദ്യ ഭാഗം തീരുന്നത്. അന്ന് മുതൽ രണ്ടാമത്തെ ഭാഗത്തിനായി ഇന്ത്യയിലെ മുഴുവൻ ആരാധകരും കടുത്ത വൈറ്റിംഗിൽ ആയിരുന്നു.
ഇപ്പോഴിതാ ഫാൻസിനെ എല്ലാം ആകാംക്ഷയിലാക്കി പുഷ്പ 2 വിന്റെ ട്രെയ്‌ലർ പുറത്തിറങ്ങിയിരിക്കുകയാണ്. അല്ലു അർജുൻ ചിത്രം 'പുഷ്പ 2: ദ റൂള്‍' ട്രെയിലർ പുറത്ത്. പട്നയിലെ വൻ ജനസാഗരത്തെ മുൻനിർത്തിക്കൊണ്ടാണ് അല്ലു അർജുൻ പുഷ്പ 2 ട്രെയിലർ റിലീസ് ചെയ്തത്. ഡിസംബർ അഞ്ചിനാണ് ചിത്രം റിലീസ് ചെയ്യുന്നത്.
ആദ്യ ഭാഗത്തിൽ അവസാനനിമിഷത്തിൽ മാസ് വില്ലനായെത്തിയ ഫഹദ്, പുഷ്പ 2വിൽ കത്തിക്കയറുമെന്ന് ഉറപ്പ് നല്കുന്നതാണ് ട്രെയിലർ. അല്ലുവും ഫഹദും തമ്മിലുള്ള മാസ് രംഗങ്ങളോടെ ആയിരിക്കും പുഷ്പ 2 ആരാധകരിലേക്കെത്തുക. പക്കാ മാസ് ആക്ഷൻ ത്രില്ലറായാണ് ചിത്രം ഒരുക്കിയിരിക്കുന്നതെന്നാണ് ട്രെയിലറിൽ നിന്നും വ്യക്തമാകുന്നത്.
തെലുങ്കാനയുടെ മണ്ണില്‍നിന്ന് പുഷ്പരാജിനെ കേരളത്തിലെത്തിക്കുന്നത് ഇ ഫോര്‍ എന്റര്‍ടെയ്ന്‍മെന്റ്‌സ് ആണ്. സിനിമ ഇറങ്ങുന്നതിന് ഒരു മാസം മുമ്പേ കേരളത്തിലെ പുഷ്പ 2 ഫാന്‍സ് ഷോ ടിക്കറ്റുകള്‍ വിറ്റ് തീര്‍ന്നിരിക്കുകയാണ്. 'പുഷ്പ: ദ റൂള്‍' ഡിസംബര്‍ അഞ്ചു മുതല്‍ കേരളക്കരയിലെ തിയേറ്ററുകളില്‍ 24 മണിക്കൂറും പ്രദര്‍ശനമുണ്ടാകുമെന്ന് ഇ ഫോര്‍ എന്റര്‍ടെയ്ന്‍മെന്റ്‌സ് സാരഥി മുകേഷ് ആര്‍. മേത്ത അടുത്തിടെ അറിയിച്ചിരുന്നു.എന്തായാലും സിനിമക്കായി ആരാധകർ ഒരുങ്ങി കഴിഞ്ഞു. ഇനി പുഷ്പയുടെ വരവിനായി കാത്തിരിക്കാം.
