അരിവാളെടുത്ത് വില്ലന്മാരെ അരിഞ്ഞു വീഴ്ത്തി നയൻതാര; കിടിലം ആക്ഷൻ രംഗങ്ങളുമായി ലേഡി സൂപ്പർ സ്റ്റാർ; 'രാക്കായി' യുടെ ടൈറ്റിൽ ടീസർ പുറത്ത്
തെന്നിന്ത്യയിൽ ഏറ്റുവും കൂടുതൽ പ്രതിഫലം വാങ്ങുന്ന നായികമാരിൽ മുൻപന്തിയിലാണ് നയൻതാര. തന്റെ ജീവിതകഥയുമായെത്തുന്ന ഡോക്യൂമെന്ററിയുമായി ബന്ധപ്പെട്ട് വിവാദങ്ങൾ കത്തി നിൽക്കുമ്പോൾ താരത്തിന്റെ വരാനിരിക്കുന്ന ചിത്രത്തിന്റെ അപ്ഡേറ്റുകൾ പുറത്ത് വന്നിരിക്കുകയാണ്.
നയൻതാര പ്രധാന കഥാപാത്രമായെത്തുന്ന 'രാക്കായി' എന്ന ചിത്രത്തിന്റെ ടൈറ്റിൽ ടീസറാണ് പുറത്ത് വിട്ടിരിക്കുന്നത്. സെന്തിൽ നല്ലസാമി സംവിധാനം ചെയ്യുന്ന ചിത്രത്തിനായി സംഗീതം ഒരുക്കിയിരിക്കുന്നത് മലയാളികൾക്ക് ഏറെ പ്രിയങ്കരനായ ഗോവിന്ദ് വസന്തയാണ്.
ബിഗ് ബഡ്‌ജറ്റിൽ ഒരുങ്ങുന്ന ചിത്രം നയൻതാരയുടെ മാസ്സ് ആക്ഷൻ രംഗങ്ങളാൽ സമ്പന്നമാണ്. പുറത്ത് വിട്ട രണ്ടര മിനിറ്റ് ദൈർഖ്യമുള്ള ടീസറിൽ നയൻതാരയുടെ ആക്ഷൻ രംഗങ്ങളാണ് അവതരിപ്പിച്ചിരിക്കുന്നത്. ഗൗതം രാജേന്ദ്രനാണ് ഛായാഗ്രാഹണം നിര്‍വഹിക്കുന്നത്.
കലാസംവിധാനം എ രാജേഷ് നിര്‍വഹിക്കുന്ന ചിത്രത്തിന്റെ കോസ്റ്റ്യൂം ഡിസൈനര്‍ അനു വര്‍ദ്ധൻ, ഏകൻ ഏകാംബരം, സ്റ്റണ്ട് ഡയറക്ടര്‍ സ്റ്റണ്ണര്‍ സാം, കോസ്റ്റ്യൂമര്‍ രാജൻ, മേക്കപ്പ് പ്രകാശ്, വിഎഫ്എക്സ് സൂപര്‍വൈസര്‍ മോനീഷ്, വിഎഫ്എക്സ് ഹോക്സ് ഫോക്കസ്, ഓഡിയോഗ്രങി സുരെൻ ജി, സഹ സംവിധാനം ആര്‍ മുരുദേശൻ, ജ്ഞാനരാജ്, ഹരി ഗോവിന്ദ്, ഗോകുല്‍ വേലുസാമി, മഹിരാജ്, ജെയസൂര്യൻ, ബാല വെല്‍സെൻ എന്നിവരുമാണ്.
