രേഖാചിത്രം ഒടിടിയിലേക്ക്; സോണി ലിവില്‍ സ്ട്രീം ചെയ്യും; മാര്‍ച്ച് 7 മുതല്‍ സ്ട്രീം ചെയ്യും
രേഖാചിത്രം ഒടിടിയിലേക്ക്; സോണി ലിവില്‍ സ്ട്രീം ചെയ്യും
കൊച്ചി: 2025ലെ ഹിറ്റ് സിനിമ രേഖാചിത്രം ഒടിടിയിലേക്ക്. മാര്‍ച്ച് 7 മുതല്‍ ചിത്രം സോണി ലിവില്‍ സ്ട്രീം ചെയ്യും. മികച്ച പ്രതികരണം നേടിയ ചിത്രം തിയറ്ററില്‍ നിന്നും 75 കോടിയാണ് സ്വന്തമാക്കിയത്. ജനുവരിയിലെ ഏക ഹിറ്റ് ചിത്രമാണ് രേഖാചിത്രമെന്ന് നിര്‍മാതാക്കള്‍ വ്യക്തമാക്കിയിരുന്നു. ആസിഫ് അലി നായകനായെത്തിയ ചിത്രത്തില്‍ അനശ്വരയാണ് നായിക. പ്രീസ്റ്റിന് ശേഷം ജോഫിന്‍ ടി ചാക്കോയുടെ സംവിധാനത്തില്‍ ഇറങ്ങിയ ചിത്രമാണ് രേഖാചിത്രം.
കാവ്യ ഫിലിം കമ്പനിയും ആന്‍ മെഗാ മീഡിയയും ഒന്നിക്കുന്ന ചിത്രത്തിന്റെ നിര്‍മാണം വേണു കുന്നപ്പിള്ളിയാണ്. രാമു സുനില്‍, ജോഫിന്‍ ടി ചാക്കോ എന്നിവരുടെ കഥയ്ക്ക് ജോണ്‍ മന്ത്രിക്കല്‍ തിരക്കഥ രചിച്ച ചിത്രത്തില്‍ മറ്റ് കേന്ദ്ര കഥാപാത്രങ്ങളായി മനോജ് കെ ജയന്‍, ഭാമ അരുണ്‍, സിദ്ദിഖ്, ജഗദീഷ്, സായികുമാര്‍, ഇന്ദ്രന്‍സ് ശ്രീകാന്ത് മുരളി, നിഷാന്ത് സാഗര്‍, പ്രേംപ്രകാശ്, ഹരിശ്രീ അശോകന്‍, സുധികോപ്പ, മേഘാതോമസ്, സെറിന്‍ ശിഹാബ് തുടങ്ങിയവരും എത്തി.
ഛായാഗ്രഹണം: അപ്പു പ്രഭാകര്‍, ചിത്രസംയോജനം: ഷമീര്‍ മുഹമ്മദ്,, കലാസംവിധാനം: ഷാജി നടുവില്‍, ലൈന്‍ പ്രൊഡ്യൂസര്‍: ഗോപകുമാര്‍ ജി കെ, പ്രൊഡക്ഷന്‍ കണ്‍ട്രോളര്‍: ഷിബു ജി സുശീലന്‍, വസ്ത്രാലങ്കാരം: സമീറ സനീഷ്, മേക്കപ്പ്: റോണക്സ് സേവ്യര്‍ , ചീഫ് അസോസിയേറ്റ് ഡയറക്ടര്‍: ബേബി പണിക്കര്‍, പ്രേംനാഥ്, പ്രൊഡക്ഷന്‍ കോര്‍ഡിനേറ്റര്‍: അഖില്‍ ശൈലജ ശശിധരന്‍, കാവ്യ ഫിലിം കമ്പനി മാനേജേഴ്‌സ്: ദിലീപ്, ചെറിയാച്ചന്‍ അക്കനത്, അസോസിയേറ്റ് ഡയറക്ടര്‍: ആസിഫ് കുറ്റിപ്പുറം, സംഘട്ടനം: ഫാന്റം പ്രദീപ്, സ്റ്റില്‍സ്: ബിജിത് ധര്‍മ്മടം, ഡിസൈന്‍: യെല്ലോടൂത്ത്,പിആര്‍ഒ & മാര്‍ക്കറ്റിംഗ്: വൈശാഖ് വടക്കേവീട്, ജിനു അനില്‍കുമാര്‍.
