കന്യാസ്ത്രീ വേഷത്തില്‍ അനശ്വര, കൈപിടിച്ച് ആസിഫ് അലി: രേഖാചിത്രം സിനിമയുടെ ഫസ്റ്റ്‌ലുക്ക് പോസ്റ്റര്‍ പുറത്ത്; ആസിഫ് വീണ്ടും പൊലീസ് വേഷത്തില്‍
കൊച്ചി: ആസിഫ് അലിയും അനശ്വര രാജനും പ്രധാന വേഷത്തിലെത്തുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. രേഖാചിത്രം എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് ജോഫിന്‍ ടി ചാക്കോ ആണ്. ആസിഫ് വീണ്ടും പൊലീസ് വേഷത്തില്‍ എത്തുന്നു എന്നൊരു പ്രത്യേകതയും ഈ സിനിമക്കുണ്ട്. ഒരു കന്യാസ്ത്രീയുടെ വേഷത്തിലാണ് അനശ്വരയെ പോസ്റ്ററില്‍ കാണുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്ററും ഏറെ പ്രത്യേകതകള്‍ ഉള്ളതാണ്. അനശ്വരയുടെ കൈപിടിച്ച് പൊലീസ് വേഷത്തില്‍ നില്‍ക്കുന്ന ആസിഫിന്റെ ചിത്രമാണ് പോസ്റ്ററിലുള്ളത്. മാളികപ്പുറം, 2018, ആനന്ദ് […]
കൊച്ചി: ആസിഫ് അലിയും അനശ്വര രാജനും പ്രധാന വേഷത്തിലെത്തുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. രേഖാചിത്രം എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് ജോഫിന്‍ ടി ചാക്കോ ആണ്. ആസിഫ് വീണ്ടും പൊലീസ് വേഷത്തില്‍ എത്തുന്നു എന്നൊരു പ്രത്യേകതയും ഈ സിനിമക്കുണ്ട്.
ഒരു കന്യാസ്ത്രീയുടെ വേഷത്തിലാണ് അനശ്വരയെ പോസ്റ്ററില്‍ കാണുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്ററും ഏറെ പ്രത്യേകതകള്‍ ഉള്ളതാണ്. അനശ്വരയുടെ കൈപിടിച്ച് പൊലീസ് വേഷത്തില്‍ നില്‍ക്കുന്ന ആസിഫിന്റെ ചിത്രമാണ് പോസ്റ്ററിലുള്ളത്. മാളികപ്പുറം, 2018, ആനന്ദ് ശ്രീബാല എന്നീ സിനിമകള്‍ക്ക് ശേഷം കാവ്യ ഫിലിം കമ്പനിയും ആന്‍ മെഗാ മീഡിയയും ഒന്നിക്കുന്ന സിനിമയാണ് 'രേഖാചിത്രം'. വേണു കുന്നപ്പിള്ളിയാണ് ചിത്രം നിര്‍മിക്കുന്നുത്. രാമു സുനില്‍, ജോഫിന്‍.ടി.ചാക്കോ എന്നിവരുടെ കഥയ്ക്ക് ജോണ്‍ മന്ത്രിക്കല്‍ തിരക്കഥ രചിച്ചിരിക്കുന്നു. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.
മനോജ്.കെ.ജയന്‍, ഭാമ അരുണ്‍, സിദ്ദീഖ്, ജഗദീഷ്, സായികുമാര്‍, ഇന്ദ്രന്‍സ് ശ്രീകാന്ത് മുരളി, നിഷാന്ത് സാഗര്‍, പ്രേം പ്രകാശ്, ഹരിശ്രീ അശോകന്‍, സുധികോപ്പ തുടങ്ങിയവരാണ് 'രേഖാചിത്ര'ത്തിലെ മറ്റ് അഭിനേതാക്കള്‍. അപ്പു പ്രഭാകര്‍ ഛായാഗ്രഹണം നിര്‍വഹിക്കുന്നു. എഡിറ്റിങ്: ഷമീര്‍ മുഹമ്മദ്. കലാസംവിധാനം: ഷാജി നടുവില്‍.
