തിരിച്ച് വരവ് ഗംഭീരമാക്കി സൂര്യ; വിദേശ കളക്ഷനിലും ഞെട്ടിച്ച് 'റെട്രോ'; കളക്ഷൻ കണക്കുകള്‍ പുറത്ത്
ചെന്നൈ: കങ്കുവ എന്ന ബിഗ് ബഡ്ജറ്റ് ചിത്രത്തിന്റെ പരാജയത്തിന് ശേഷം റെട്രോയിലൂടെ മികച്ച തിരിച്ച് വരവ് നടത്തിയിരിക്കുകയാണ് സൂര്യ. ആഗോള ബോക്സ് ഓഫീസിൽ 100 കോടി കളക്ഷൻ പിന്നിട്ട് മുന്നേറുന്ന ചിത്രം. ഇപ്പോഴിതാ ചിത്രത്തിന്റെ ഞെട്ടിക്കുന്ന വിദേശ കളക്ഷൻ റിപ്പോർട്ടുകളാണ് പുറത്ത് വരുന്നത്. വിദേശത്ത് മാത്രമായി റെട്രോ 24 കോടി നേടി എന്നാണ് ട്രേഡ് അനലിസ്റ്റുകളായ സാക്നില്‍ക്കിന്റെ റിപ്പോര്‍ട്ട്.
ആക്ഷനും, റൊമാൻസിനും പ്രാധാന്യം നൽകി ഒരുക്കിയ ചിത്രം മികച്ച തീയേറ്റർ എക്സ്പീരിയൻസായിരുന്നു എന്നാണ് ആരാധകരുടെ പ്രതികരണം. മെയ് 1 നാണ് ചിത്രം തീയേറ്ററുകളിൽ എത്തിയത്. നെറ്റ്ഫ്ലിക്‌സാണ് ചിത്രത്തിന്റെ ഒടിടി റൈറ്സ് സ്വന്തമാക്കിയിരിക്കുന്നത്. ചിത്രത്തിൽ പൂജാ ഹെഗ്‌ഡെ ആണ് നായിക. ജോജു ജോർജ്, ജയറാം, കരുണാകരൻ തുടങ്ങി വമ്പൻ താരനിരയാണ് ചിത്രത്തിലുള്ളത്. സന്തോഷ് നാരായണനാണ് 'റെട്രോ' യുടെ സംഗീത സംവിധാനം നിർവഹിക്കുന്നത്. സൂര്യയുടെ 2D എന്റർടൈൻമെന്റ്സും കാർത്തിക്ക് സുബ്ബരാജിന്റെ സ്റ്റോൺ ബെഞ്ച് ഫിലിംസും ചേർന്നാണ് ചിത്രം നിർമ്മിക്കുന്നത്.
ജ്യോതികയും സൂര്യയും ചേർന്ന് നിർമ്മിക്കുന്ന ചിത്രത്തിന്റെ കോ പ്രൊഡ്യൂസേർസ് രാജ് ശേഖർ കർപ്പൂരസുന്ദരപാണ്ട്യനും കാർത്തികേയൻ സന്താനവുമാണ്. ശ്രേയാസ് കൃഷ്ണ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മുഹമ്മദ് ഷഫീഖ് അലിയാണ്. കലാസംവിധാനം ജാക്കി, വസ്ത്രാലങ്കാരം പ്രവീൺ രാജ, സ്റ്റണ്ട് കേച്ച കംഫക്ദീ, മേക്കപ്പ് വിനോദ് സുകുമാരൻ, സൗണ്ട് ഡിസൈൻ സുരൻ.ജി, അളഗിയക്കൂത്തൻ, കൊറിയോഗ്രാഫി ഷെരീഫ്.എം ,പബ്ലിസിറ്റി ഡിസൈൻ ട്യൂണി ജോൺ, പി ആർ ഓ ആൻഡ് മാർക്കറ്റിംഗ് കൺസൽട്ടന്റ് പ്രതീഷ് ശേഖർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
