സൂക്ഷ്മദര്‍ശിനി ഒ.ടി.ടിയിലെത്തുന്നു; ബേസില്‍ ജോസഫ്- നസ്രിയ കൂട്ടുകെട്ടിലെത്തിയ ചിത്രം ഹോട്സ്റ്റാറില്‍ കാണാം
തിരുവനന്തപുരം: ബേസില്‍ ജോസഫ്- നസ്രിയ എന്നിവര്‍ കേന്ദ്രകഥാപാത്രങ്ങളായെത്തിയ ചിത്രമാണ് സൂക്ഷ്മദര്‍ശിനി. ചിത്രം ഒ.ടി.ടിയില്‍ എത്തുന്നു. ജനുവരി 11ന് ഡിസ്‌നി പ്ലസ് ഹോട്സ്റ്റാറിലാണ് സ്ട്രീമിങ് ആരംഭിക്കുന്നത്. ചിത്രത്തിന്റെ സ്ട്രീമിങ് ഹോട്സ്റ്റാര്‍ ഔദ്യോഗികമായി പ്രഖാപിച്ചിട്ടുണ്ട്.
2024 ല്‍ മികച്ച പ്രേക്ഷക ശ്രദ്ധ നേടിയ ചിത്രമായിരുന്നു സൂക്ഷ്മദര്‍ശിനി. എം.സി ജിതിന്റെ സംവിധാനത്തില്‍ നവംബര്‍ 22 ന് തിയറ്ററുകളിലെത്തിയ ചിത്രം 50 കോടി ക്ലബ്ബില്‍ ഇടംപിടിച്ചിരുന്നു. അയല്‍വാസികളായ പ്രിയദര്‍ശിനി, മാനുവല്‍ എന്നീ കഥാപാത്രങ്ങളെയാണ് ചിത്രത്തില്‍ നസ്രിയയും ബേസിലും അവതരിപ്പിച്ചിരിക്കുന്നത്. ഇവരുടെ ജീവിതവുമായി ബന്ധപ്പെട്ട് നടക്കുന്ന കൗതുകവും ഉദ്വേഗജനകവും ആകാംക്ഷ ജനിപ്പിക്കുന്നതുമായ ചില സംഭവ വികാസങ്ങളിലൂടെയാണ് ചിത്രം മുന്നോട്ടുപോകുന്നത്.
സൂക്ഷ്മദര്‍ശിനിയില്‍ ദീപക് പറമ്പോല്‍, സിദ്ധാര്‍ത്ഥ് ഭരതന്‍, കോട്ടയം രമേശ്, അഖില ഭാര്‍ഗവന്‍, പൂജ മോഹന്‍രാജ്, മെറിന്‍ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപന്‍ മങ്ങാട്, ജയ കുറുപ്പ്, റിനി ഉദയകുമാര്‍, ജെയിംസ്, നൗഷാദ് അലി, അപര്‍ണ റാം, സരസ്വതി മേനോന്‍, അഭിറാം രാധാകൃഷ്ണന്‍ തുടങ്ങിയവരാണ് മറ്റുകഥാപാത്രങ്ങളെ അവതരിപ്പിച്ചിരിക്കുന്നത്.
