'പുഷ്പ 2' വിലെ ഡാൻസ് ആരാധകർ ഏറ്റെടുത്തു; പിന്നാലെ ബോളിവുഡ് അരങ്ങേറ്റത്തിന് നടി ശ്രീലീല; പുതിയ ചിത്രത്തിന്‍റെ ടീസര്‍ പുറത്തിറങ്ങി
മുംബൈ: 'പുഷ്പ 2' വിലെ ഡാൻസ് ആരാധകർ ഏറ്റെടുത്ത ശേഷം ബോളിവുഡ് അരങ്ങേറ്റത്തിന് ഒരുങ്ങി നടി ശ്രീലീല. 2022ലാണ് കാർത്തിക് ആര്യനും സംവിധായകന്‍ അനുരാഗ് ബസുവും ഒന്നിക്കുന്ന ആഷിഖി 3 പ്രഖ്യാപിച്ചത്. തൃപ്തി ദിമ്രിയാണ് ആദ്യം ചിത്രത്തിലെ നായികയാകും എന്ന് കേട്ടതെങ്കിലും ഇപ്പോള്‍ പുതിയ നായികയുമായി ചിത്രം പ്രഖ്യാപിച്ചിരിക്കുകയാണ്.
ചിത്രത്തിന്‍റെ ടീസർ ഇപ്പോൾ പുറത്തിറങ്ങിയിരിക്കുകയാണ് ഈ മ്യൂസിക്കല്‍ പ്രണയകഥയില്‍ നായികയായി എത്തുന്നത് ശ്രീലീല എന്നത് വ്യക്തമാണ്. എന്നാല്‍ ടീസറില്‍ എവിടെയും ചിത്രം ആഷിഖി 3യാണ് എന്ന് പറയാത്തത് ശ്രദ്ധേയമാണ്.
പുഷ്പ 2 ദി റൂൾ എന്ന അല്ലു അര്‍ജുന്‍ ചിത്രത്തിലെ കിസ്‌സിക് എന്ന ഡാന്‍സ് നമ്പറിലൂടെ ദേശീയ തലത്തില്‍ തന്നെ ശ്രദ്ധേയായ ശ്രീലീല. ഇപ്പോള്‍ ബോളിവുഡ് അരങ്ങേറ്റം നടത്തുകയാണ് ഈ പ്രണയചിത്രത്തിലൂടെ. പ്രധാനമായും തെലുങ്ക്, കന്നഡ സിനിമകളിൽ പ്രവർത്തിച്ചിട്ടുള്ള ശ്രീലീലയുടെ ബോളിവുഡ് അരങ്ങേറ്റം ആകാംക്ഷയോടെയാണ് ചലച്ചിത്ര ലോകം ഉറ്റുനോക്കുന്നത്. പ്രീതം ആയിരിക്കും ഈ ചിത്രത്തിന്‍റെ സംഗീത സംവിധാനം.
