രൗദ്രഭാവത്തിൽ നരസിംഹ മൂപ്പൻ; 'വവ്വാൽ' സിനിമയുടെ ഏറ്റവും പുതിയ അപ്ഡേറ്റ് പുറത്ത്; മകരന്ദ് ദേശ്പാണ്ഡേയുടെ ക്യാരക്ടർ പോസ്റ്റർ പുറത്ത് വിട്ട് അണിയറ പ്രവർത്തകർ
കൊച്ചി: ഷഹ്മോൻ ബി പറേലിൽ സംവിധാനം ചെയ്യുന്ന 'വവ്വാൽ' എന്ന പുതിയ ചിത്രത്തിലെ മകരന്ദ് ദേശ്പാണ്ഡേയുടെ ക്യാരക്ടർ പോസ്റ്റർ പുറത്തിറങ്ങി. 'നരസിംഹ മൂപ്പൻ' എന്ന കഥാപാത്രമായാണ് മകരന്ദ് ദേശ്പാണ്ഡേ ഈ സിനിമയിൽ എത്തുന്നത്. രൗദ്രഭാവത്തിലുള്ള അദ്ദേഹത്തിന്റെ തീവ്രമായ രൂപമാണ് പോസ്റ്ററിൽ അവതരിപ്പിച്ചിരിക്കുന്നത്.
മലയാളികൾക്ക് ഏറെ പ്രിയങ്കരനായ നടനാണ് മകരന്ദ് ദേശ്പാണ്ഡേ. 'ആമേൻ' എന്ന ചിത്രത്തിലെ പോത്തച്ചൻ ഉൾപ്പെടെ നിരവധി ശ്രദ്ധേയമായ കഥാപാത്രങ്ങൾക്ക് അദ്ദേഹം ജീവൻ നൽകിയിട്ടുണ്ട്. ഒരു ബോളിവുഡ് നടനെ ഈ ചിത്രത്തിലേക്ക് കാസ്റ്റ് ചെയ്തതിന്റെ പ്രാധാന്യം ഈ ഒറ്റ പോസ്റ്ററിൽ നിന്ന് വ്യക്തമാണെന്ന് അണിയറപ്രവർത്തകർ പറയുന്നു.
ഷഹ്മോൻ ബി പറേലിൽ കഥയും തിരക്കഥയുമെഴുതി സംവിധാനം ചെയ്യുന്ന ഈ ചിത്രം ഓൺഡിമാൻഡ്സിന്റെ ബാനറിൽ ഷാമോൻ പി ബി ആണ് നിർമിക്കുന്നത്. സുരീന്ദർ യാദവാണ് ചിത്രത്തിന്റെ കോ പ്രൊഡ്യൂസർ. മകരന്ദ് ദേശ്പാണ്ഡേക്കൊപ്പം അഭിമന്യു സിംഗ്, ലെവിൻ സൈമൺ, മുത്തു കുമാർ, ലക്ഷ്മി ചപോർക്കർ, മണികണ്ഠൻ ആചാരി, സുധി കോപ്പ, ദിനേശ് ആലപ്പി, പ്രവീൺ ടി ജെ, മെറിൻ ജോസ്, ഗോകുലൻ, മൻരാജ്, ജോജി കെ ജോൺ, ഷഫീഖ്, ജയശങ്കർ കരിമുട്ടം, ശ്രീജിത്ത് രവി തുടങ്ങി മുപ്പതിൽപരം താരങ്ങൾ ചിത്രത്തിൽ അണിനിരക്കുന്നുണ്ട്.
മനോജ് എം ജെ ഛായാഗ്രഹണം നിർവഹിക്കുന്ന ചിത്രത്തിന്റെ പ്രൊഡക്ഷൻ ഡിസൈനർ ജോസഫ് നെല്ലിക്കലാണ്. ഫാസിൽ പി ഷഹ്മോൻ എഡിറ്റിംഗും ജോൺസൺ പീറ്റർ സംഗീതവും കൈകാര്യം ചെയ്യുന്നു. പി ബി എസ്, സുധാംശു എന്നിവർ ഗാനരചന നിർവഹിച്ചിരിക്കുന്നു. ഫസൽ എ ബക്കർ റീ റെക്കോർഡിങ് മിക്സറും അനിൽ മാത്യു പ്രൊഡക്ഷൻ കൺട്രോളറും സന്തോഷ് വെൺപകൽ മേക്കപ്പും ഭക്തൻ മങ്ങാട് കോസ്റ്റ്യൂം ഡിസൈനും നിർവഹിക്കുന്നു.
അഭിലാഷ് കൊച്ചി കോറിയോഗ്രാഫിയും ലിജു പ്രഭാകർ കളറിസ്റ്റും നോക്കൗട്ട് നന്ദ സംഘട്ടനവും ഒരുക്കുന്നു. ആഷിഖ് ദിൽജിത്ത് ചീഫ് അസോസിയേറ്റായും എ എസ് ദിനേശ്, സതീഷ് എരിയാളത്ത്, ഗുണ എന്നിവർ പി ആർ ഒ മായും രാഹുൽ തങ്കച്ചൻ സ്റ്റിൽസ് ഫോട്ടോഗ്രാഫറായും പ്രവർത്തിക്കുന്നു. ഒപ്പറ, ഹോട്ട് ആന്റ് സോർ എന്നിവരാണ് ഡിജിറ്റൽ മാർക്കറ്റിംഗ്, കോളിൻസ് ലിയോഫിൽ ഡിസൈൻ നിർവഹിച്ചിരിക്കുന്നു.
