ഹൈദരാബാദ്: ചിലർക്ക് സിനിമ കാണുമ്പോൾ അതിലെ ഓരോ കഥാപാത്രത്തെയും ജീവിതവുമായി ചേർത്ത് കൊണ്ട് പോകാൻ സാധിക്കും. അപ്പോൾ സ്വാഭാവികമായിട്ടും അതിലൊരു വില്ലൻ വേഷം എത്തിയാൽ നമുക്ക് അത്രക്കും അയാളോട് ദേഷ്യമായിരിക്കും. അപ്പോൾ ആ വില്ലൻ വേഷം നേരിട്ടെത്തിയാൽ എങ്ങനെ ഇരിക്കും. അങ്ങനെ ഒരു രസകരമായ സംഭവമാണ് ഹൈദരാബാദിൽ നടന്നിരിക്കുന്നത്. സിനിമ തീയറ്ററിലെത്തിയ ഒരു വില്ലൻ നടനെ സ്ത്രീ പൊതിരെ തല്ലിയിരിക്കുകയാണ്.

ഹൈദരാബാദിലെ ഒരു തിയറ്ററിലാണ് സംഭവം നടന്നത്. ‘ലവ് റെഡ്ഡി’ എന്ന തെലുങ്ക് ചിത്രത്തിന്റെ സ്ക്രീനിം​ഗ് നടക്കുകയാണ്. എൻ.ടി രാമസ്വാമി എന്ന നടനാണ് ചിത്രത്തിൻ വില്ലൻ വേഷമായി എത്തിയത്. ചിത്രത്തിൽ നായികയോട് വില്ലൻ ക്രൂരത കാണിക്കുന്നുണ്ട്.

നായികയുടെ തലയിൽ കല്ലെടുത്ത് എറിയുന്നതാണ് രംഗം. ഇതിനിടെയാണ് പ്രേക്ഷകരെ ഞെട്ടിച്ച് അണിയറ പ്രവർത്തകർ തിയറ്റർ വിസിറ്റ് നടത്തിയത്. ഒപ്പം വില്ലനായി എത്തിയ രാമസ്വാമിയും ഉണ്ടായിരുന്നു. ഇദ്ദേഹത്തെ കണ്ടതും ഒരു സ്ത്രീ ദേഷ്യത്തിൽ ഓടിവന്ന് തല്ലുന്നതാണ് വീഡിയോ.

ഒപ്പം അദ്ദേഹത്തിന്റെ ഷർട്ടിന്റെ കോളർ പിടിച്ച് വലിക്കാനും വീണ്ടും വില്ലനെ അടിക്കാനും ശ്രമിക്കുന്നുണ്ട്. എന്നാൽ മറ്റുള്ളവർ ആ സ്ത്രീയെ പിടിച്ചു മാറ്റുന്നത് വീഡിയോയിൽ കാണാം. പിന്നാലെ തീയറ്ററിൽ കണ്ടുനിന്നവരുടെ ചിരിപൊട്ടി.

വീഡിയോ പുറത്തിറങ്ങി വൈറലായതിന് പിന്നാലെ സമ്മിശ്ര പ്രതികരമാണ് സോഷ്യൽ മീഡിയയിൽ നിന്നും ഉയരുന്നത്. പ്രമോഷന്റെ ഭാ​ഗമായുള്ളൊരു നാടകമാണിതെന്നാണ് ചിലർ പറയുന്നത്. മറ്റ് ചിലർ ആ സ്ത്രീയെ രൂക്ഷമായി വിമർശിക്കുന്നുണ്ട്.

വില്ലനെതല്ലിസ്ത്രീ

സ്വന്തം ലേഖകൻ