കതിരവന്‍: നവോത്ഥാന നായകന്‍ അയ്യങ്കാളിയുടെ ജീവചരിത്രം സിനിമയാകുന്നു: നായകനായി മലയാളത്തിലെ ആക്ഷന് ഹീറോ
നവോത്ഥാന നായകന്‍ അയ്യങ്കാളിയുടെ ജീവചരിത്രം ഇതിവൃത്തമാക്കി ഒരുങ്ങുന്ന ചിത്രമാണ് 'കതിരവന്‍'. ബിഗ് ബജറ്റ് പാന്‍ ഇന്ത്യന്‍ സിനിമയായി ഒരുങ്ങുന്ന ഈ ചിത്രം പ്രഖ്യാപിച്ചിരിക്കുകയാണ് താര പ്രൊഡക്ഷന്‍സ്. ദീപാവലി ദിനത്തില്‍ പ്രഖ്യാപിച്ച സിനിമയില്‍ മലയാളത്തിലെ പ്രമുഖ ആക്ഷന് ഹീറോ അയ്യങ്കാളിയാകും എന്നാണ് വിവരം. ആക്ഷന് അതീവ പ്രാധാന്യമുള്ള ചിത്രം താര പ്രൊഡക്ഷന്‍സിന്റെ ബാനറില്‍ ജഗതമ്പി കൃഷ്ണയാണ് നിര്‍മിക്കുന്നത്.
താര പ്രൊഡക്ഷന്‍സിന്റെ ആദ്യ നിര്‍മാണ സംരംഭമാണ് കതിരവന്‍. ഒരു ആക്ഷന് ഹീറോ നായകനായി എത്തുന്ന ബിഗ് ബജറ്റ് ചിത്രങ്ങളില്‍ ഒന്നാമതായിരിക്കും ഈ സിനിമ. അരുണ്‍ രാജാണ് കതിരവന്‍ സിനിമ സംവിധാനം ചെയ്യുന്നത് അദ്ദേഹം തന്നെയാണ് ക്യാമറയും കൈകാര്യം ചെയ്യുന്നത്. ഇന്റര്‍നാഷണല്‍ ഫിലിം ഫെസ്റ്റിവലില്‍ മികച്ച ഛായാഗ്രഹകനുള്ള അവാര്‍ഡ് നേടിയ (മെമ്മറി ഓഫ് മര്‍ഡര്‍) അരുണ്‍ രാജ് സംവിധാനം ചെയ്യുന്ന രണ്ടാമത്തെ ചിത്രമാണിത്. 'എഡ്വിന്റെ നാമം' എന്ന ചിത്രമാണ് ഇതിന് മുമ്പ് അദ്ദേഹം സംവിധാനം ചെയ്തത്.
വെല്‍ക്കം ടു പാണ്ടിമല എന്ന ചിത്രത്തിന്റെ ഛായാഗ്രാഹകനും അരുണ്‍ രാജായിരുന്നു. കതിരവന്റെ കഥ, തിരക്കഥ, സംഭാഷണം എന്നിവ ഒരുക്കിയത് പ്രദീപ് കെ. താമരക്കുളമാണ്. ഉടന്‍ ചിത്രീകരണം ആരംഭിക്കുന്ന കതിരവന്റെ പ്രൊഡക്ഷന്‍ കണ്‍ട്രോളര്‍ വിനോദ് പറവൂര്‍ ആണ്. പി.ആര്‍.ഒ. മഞ്ജു ഗോപിനാഥ്.
