നായാട്ട് ടീം വീണ്ടും ഒന്നിക്കുന്നു; പോലീസ് ഓഫീസിറായി കുഞ്ചാക്കോ ബോബന്‍; നായിക പ്രിയാമണി; 'ഓഫീസര്‍ ഓണ്‍ ഡ്യൂട്ടി' ഫസ്റ്റ് ലുക്ക് പോസ്റ്റര്‍ പുറത്ത്
പാന്‍ ഇന്ത്യന്‍ തലത്തില്‍ ചര്‍ച്ച ചെയ്യപ്പെട്ട സര്‍വൈവല്‍ ഡ്രാമ നായാട്ട് ടീം വീണ്ടും ഒന്നിക്കുന്നു. 'ഓഫീസര്‍ ഓണ്‍ ഡ്യൂട്ടി' എന്ന് പേരിട്ടിരിക്കുന്ന ചിത്രത്തില്‍ കുഞ്ചാക്കോ ബോബനാണ് നായകന്‍. ജിത്തു അഷ്‌റഫ് സംവിധാനം ചെയ്യുന്ന ചിത്രം കുഞ്ചാക്കോ ബോബന്റെ പിറന്നാള്‍ ദിനത്തോട് അനുബന്ധിച്ചാണ് പ്രഖ്യാപിച്ചത്.
സംവിധായകന്‍ മാര്‍ട്ടിന്‍ പ്രക്കാട്ട് അവതരിപ്പിക്കുന്ന ചിത്രത്തിന്റെ തിരക്കഥ ഷാഹി കബീറാണ്. ഷാഹിയുടെ മുന്‍ ചിത്രങ്ങളിലേത് പോലെ പോലീസ് കഥയാണ് ഓഫീസര്‍ ഓണ്‍ ഡ്യൂട്ടിയും. റോബി വര്‍ഗീസ് രാജ് ഛായാ?ഗ്രഹണം നിര്‍വഹിക്കുന്ന ചിത്രത്തിന്റെ സംഗീതം ജേക്ക്‌സ് ബിജോയ് ആണ്. ചമന്‍ ചാക്കോ ആണ് ചിത്രത്തിന്റെ എഡിറ്റിങ്. പ്രിയാമണിയാണ് ചിത്രത്തിലെ നായിക. ജഗദീഷ്, വിശാഖ് നായര്‍ തുടങ്ങിയവരും ചിത്രത്തിലുണ്ട്.
തീയേറ്ററുകളില്‍ മികച്ച പ്രതികരണം നേടിയ ചിത്രമായിരുന്നു കുഞ്ചാക്കോ ബോബന്‍, നിമിഷ ജോര്‍ജ്, ജോജു ജോര്‍ജ് എന്നിവരെ കേന്ദ്ര കഥാപാത്രങ്ങളാക്കി മാര്‍ട്ടിന്‍ പ്രക്കാട്ട് സംവിധാനം ചെയ്ത നായാട്ട്. പിന്നീട് ചിത്രം നെറ്റ്ഫ്‌ലിക്‌സിലും പ്രദര്‍ശനത്തിനെത്തിയിരുന്നു. ഷൈജു ഖാലിദ് ആയിരുന്നു ഛായാഗ്രഹണം.
