ആ കമന്‍റുകൾ കാണുമ്പോൾ ഞാൻ അവനെ ഓർക്കും; വേർപിരിഞ്ഞാലും പേഴ്സണൽ ലൈഫ് അല്ലെ; അങ്ങനെ തോന്നി പോകും; തുറന്നുപറഞ്ഞ് ആൻമരിയ
രണ്ട് വിവാഹബന്ധങ്ങൾ വേർപിരിഞ്ഞതിനെ തുടർന്ന് സമൂഹമാധ്യമങ്ങളിൽ താൻ നേരിടുന്ന കടുത്ത സൈബർ ആക്രമണങ്ങളെക്കുറിച്ച് മിനി സ്ക്രീൻ താരം ആൻ മരിയ തുറന്നു സംസാരിച്ചു. അടുത്തിടെയാണ് ഫുഡ് വ്ലോഗറും ട്രാവൽ കണ്ടൻ്റ് ക്രിയേറ്ററുമായ ഷാൻ ജിയോയുമായുള്ള രണ്ടാമത്തെ ദാമ്പത്യം താരം അവസാനിപ്പിച്ചത്. ആദ്യ വിവാഹത്തിൽ ആൻ മരിയക്ക് ഒരു മകളുണ്ട്.
തൻ്റെ ജീവിതാനുഭവങ്ങളിലൂടെ കടന്നുപോയ വ്യക്തികൾക്ക് മാത്രമേ തന്നെ മനസ്സിലാക്കാൻ സാധിക്കൂ എന്ന് ഒരു യൂട്യൂബ് ചാനലിന് നൽകിയ അഭിമുഖത്തിൽ ആൻ മരിയ വ്യക്തമാക്കി. "ഒന്ന് കെട്ടിയാലും രണ്ട് കെട്ടിയാലും അത് എൻ്റെ വ്യക്തിപരമായ ജീവിതമാണ്. അതുവെച്ച് വിമർശിക്കാനോ താരതമ്യം ചെയ്യാനോ ആരും വരേണ്ട ആവശ്യമില്ല. ഞാൻ എങ്ങനെയാണെന്ന് എൻ്റെ അമ്മയ്ക്കും മകൾക്കും അറിയാം. അതു മതി," അവർ പറഞ്ഞു.
കൂടുതലും ഫേക്ക് ഐഡികളിൽ നിന്നാണ് കമൻ്റുകൾ വരുന്നതെന്നും, അത് വായിക്കുമ്പോൾ 'എൻ്റെ മുൻ പങ്കാളികളാണോ ഇതൊക്കെ ഇടുന്നതെന്ന്' തോന്നിപ്പോകാറുണ്ടെന്നും നടി പറയുന്നു. തകർന്നുപോകുന്ന കമൻ്റുകൾ വരുമ്പോഴും തൻ്റെ മകളാണ് ശക്തി. സഹിച്ചു നിൽക്കാൻ അമ്മ നിർബന്ധിച്ചിരുന്നുവെങ്കിൽ താൻ മറ്റൊരു ദുരന്തമായി മാറിയേനെ എന്നും, സപ്പോർട്ടീവായ അമ്മയാണ് തനിക്ക് കിട്ടിയ ഏറ്റവും വലിയ ഭാഗ്യമെന്നും ആൻ മരിയ കൂട്ടിച്ചേർത്തു.
