ഭയങ്കര ദേഷ്യവും ഫുൾ ടൈം വെള്ളവും..;ഇത്രയും കാലം സഹിച്ചു ഇനി പറ്റില്ല..!!; തന്റെ ഭർത്താവുമായി വേർപിരിഞ്ഞെന്ന വെളിപ്പെടുത്തലുമായി നടി സെലീന; കൂടെ മുട്ടൻ പണിയും

മുൻ ബോളിവുഡ് നടി സെലീന ജയ്റ്റ്‌ലി തൻ്റെ ഓസ്ട്രിയൻ ഭർത്താവ് പീറ്റർ ഹാഗുമായി വേർപിരിഞ്ഞതായി അറിയിക്കുകയും, അദ്ദേഹത്തിനെതിരെ ഗാർഹിക പീഡനത്തിന് പരാതി നൽകുകയും ചെയ്തു. മുംബൈയിലെ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് സെലീന പരാതി നൽകിയിരിക്കുന്നത്.

പീറ്റർ ഹാഗ് ഒരു 'നാർസിസ്റ്റ്' ആണെന്നും, തന്നെ ശാരീരികമായും മാനസികമായും ഉപദ്രവിച്ചുവെന്നും സെലീന സോഷ്യൽ മീഡിയയിലൂടെ വെളിപ്പെടുത്തി. താനോടും മൂന്ന് കുട്ടികളോടും സഹാനുഭൂതിയില്ലാത്ത, മുൻകോപിയും മദ്യപാനിയുമാണ് പീറ്റർ എന്നും നടി ആരോപിച്ചു. വിവാഹശേഷം ജോലിക്ക് പോകാൻ അനുവദിക്കാത്തതിനാൽ പീഡനം സഹിക്കവയ്യാതെ താൻ ഇന്ത്യയിലേക്ക് മടങ്ങിയെന്നും അവർ പറഞ്ഞു.

ഓസ്ട്രിയയിലുള്ള മക്കളുടെ സംരക്ഷണം തനിക്ക് വിട്ടുനൽകണമെന്നും, ജീവനാംശമായി 50 കോടി രൂപയും പ്രതിമാസം 10 ലക്ഷം രൂപയും പീറ്റർ നൽകണമെന്നും സെലീന ആവശ്യപ്പെട്ടിട്ടുണ്ട്. ഈ പരാതിയെ തുടർന്ന് പീറ്റർ ഹാഗിന് കോടതി നോട്ടീസ് അയച്ചു. കേസ് അടുത്ത മാസം 12-ന് പരിഗണിക്കും. 2010-ലായിരുന്നു സെലീന ജയ്റ്റ്‌ലിയുടെയും ഹോട്ടൽ ഉടമയായ പീറ്റർ ഹാഗിന്റെയും വിവാഹം.