വേദയ്ക്ക് കൂട്ടായി ഒരാൾ വരുന്നു; ഞാൻ വളരെ എക്സൈറ്റഡാണ്; വർഷങ്ങൾക്കുശേഷമാണ് ഞങ്ങളുടെ വീട്ടിലേക്ക് ഒരു കുഞ്ഞ് അതിഥി വരാൻ പോകുന്നത്; സന്തോഷം പങ്കുവെച്ച് നടി ശ്രീക്കുട്ടി

മിനിസ്ക്രീൻ പരമ്പരകളിലൂടെ പ്രേക്ഷകർക്ക് സുപരിചിതയായ നടി ശ്രീക്കുട്ടി കുടുംബത്തിലെ സന്തോഷകരമായ ഒരു വാർത്ത പങ്കുവെച്ചു. 12 വർഷത്തെ ഇടവേളയ്ക്ക് ശേഷം തങ്ങളുടെ കുടുംബത്തിലേക്ക് പുതിയ അതിഥി എത്താനൊരുങ്ങുന്നതിലെ സന്തോഷമാണ് ശ്രീക്കുട്ടി പങ്കുവെച്ചിരിക്കുന്നത്.

'ഓട്ടോഗ്രാഫ്' പരമ്പരയിലൂടെ ശ്രദ്ധേയയായ ശ്രീക്കുട്ടി, നിലവിൽ അഭിനയ രംഗത്ത് സജീവമല്ലെങ്കിലും യൂട്യൂബ് ചാനലിലൂടെയും സോഷ്യൽ മീഡിയയിലൂടെയും ആരാധകരുമായി സംവദിക്കാറുണ്ട്. ക്യാമറാമാൻ മനോജ് കുമാറാണ് ശ്രീക്കുട്ടിയുടെ ഭർത്താവ്. ഈ ദമ്പതികൾക്ക് വേദ എന്നൊരു മകളുണ്ട്.

തന്റെ പുതിയ വ്ളോഗിലൂടെയാണ് ശ്രീക്കുട്ടി ഈ സന്തോഷവാർത്ത പുറത്തുവിട്ടത്. "12 വർഷങ്ങൾക്കുശേഷം വേദയ്ക്ക് കൂട്ടായി ഒരാൾ വരുന്നു" എന്ന അടിക്കുറിപ്പോടെയാണ് വ്ളോഗ് ആരംഭിച്ചത്. എന്നാൽ, കുഞ്ഞെത്തുന്നത് തനിക്കല്ല, സഹോദരിക്കാണെന്ന് ശ്രീക്കുട്ടി വ്യക്തമാക്കി. "ഞാൻ വളരെ എക്സൈറ്റഡാണ്. എല്ലാവരും വളരെ സന്തോഷത്തിലാണ്. പന്ത്രണ്ട് വർഷങ്ങൾക്കുശേഷമാണ് ഞങ്ങളുടെ വീട്ടിലേക്ക് ഒരു കുഞ്ഞ് അതിഥി വരാൻ പോകുന്നത്. സെക്കൻഡ് പ്രഗ്നൻസി ശ്രീക്കുട്ടി പ്ലാൻ ചെയ്യുന്നില്ലേയെന്ന് ചോദിച്ചപ്പോഴെല്ലാം ഞാൻ നോ എന്നാണ് പറഞ്ഞിട്ടുള്ളത്. പക്ഷെ ഇപ്പോൾ വേദയ്ക്ക് കൂട്ടായി ഒരു കുഞ്ഞ് വരാൻ പോവുകയാണ്, അത് എനിക്കല്ല, ചീമയ്ക്കാണ് കുഞ്ഞ് പിറക്കാൻ പോകുന്നത്," ശ്രീക്കുട്ടി വ്ളോഗിൽ പറയുന്നു.

പുതിയ സന്തോഷവാർത്ത ഇൻസ്റ്റഗ്രാമിലൂടെയും ശ്രീക്കുട്ടി പങ്കുവെച്ചിട്ടുണ്ട്. "എനിക്ക് കൂളസ്റ്റ് ആന്റിയായി പ്രൊമോഷൻ കിട്ടി" എന്നാണ് താരം കുറിച്ചിരിക്കുന്നത്.