ത്രില്ലര്‍ ചിത്രവുമായി ഇന്ദ്രജിത്ത്; 'ഞാന്‍ കണ്ടതാ സാറേ..' റിലീസ് തീയതി പ്രഖ്യാപിച്ചു; ചിത്രം നവംബർ 22 ന് തിയേറ്ററുകളിൽ
ഇന്ദ്രജിത്തിനെ കേന്ദ്ര കഥാപാത്രമാക്കി വരുണ്‍ ജി. പണിക്കർ സംവിധാനം ചെയ്യുന്ന ചിത്രമാണ് 'ഞാന്‍ കണ്ടതാ സാറേ'. വലിയ പ്രതീക്ഷയോടെയാണ് ചിത്രം പ്രേക്ഷകർക്ക് മുന്നിലെത്തുന്നത്. നേരത്തെ പുറത്ത് വന്ന ഫസ്റ്റ് ലുക്ക് പോസ്റ്റർ അടക്കം വലിയ ശ്രദ്ധ പിടിച്ചു പറ്റിയിരുന്നു. ഇപ്പോളിതാ ചിത്രത്തിന്റെ റിലീസ് തീയതി പുറത്ത് വിട്ടിരിക്കുകയാണ് അണിയറക്കാർ. ഹൈലൈന്‍ പിക്‌ച്ചേഴ്‌സ്ഇന്‍ അസ്സോസ്റ്റി യേഷന്‍ വിത്ത് ലെമണ്‍ പ്രൊഡക്ഷന്‍സിന്റെ ബാനറില്‍ പ്രകാശ് ഹൈലൈനും പ്രശസ്ത സംവിധായകന്‍ ദീപു കരുണാകരനും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രം നവംബർ 22 ന് തീയറ്ററുകളിൽ എത്തുമെന്നാണ് പ്രഖ്യാപനം.
ഇന്ദ്രജിത്തിനൊപ്പം ബൈജു സന്തോഷ്, അനൂപ് മേനോൻ, മറീന മൈക്കിൾ, സാബുമോൻ, സുധീർ കരമന, അലൻസിയർ, മല്ലിക സുകുമാരൻ എന്നിവരും ചിത്രത്തിൽ പ്രധാനവേഷങ്ങൾ എത്തുന്നുണ്ട്. ചിത്രത്തിന്റെ രചന അരുൺ കരിമുട്ടാണ്. പ്രശാന്ത് കൃഷ്ണ ഛായാഗ്രണം നിർവഹിക്കുന്ന ചിത്രത്തിന്റെ എഡിറ്റർ എം എസ് അയ്യപ്പൻ നായരാണ്. ചിത്രത്തിനായി സംഗീതം ഒരുക്കുന്നത് രാഹുൽ രാജാണ്.
കലാസംവിധാനം - സാബുറാം, മേക്കപ്പ് - പ്രദീപ് വിതുര, കോസ്റ്റ്യും ഡിസൈന്‍ - അസീസ് പാലക്കാട്, ചീഫ് അസ്റ്റോസ്സിയേറ്റ് ഡയറക്ടര്‍ - സഞ്ജു അമ്പാടി, ഫിനാന്‍സ് കണ്‍ടോളര്‍ - സന്തോഷ് ബാലരാമപുരം, പ്രൊഡക്ഷന്‍ -മാനേജര്‍ - കുര്യന്‍ ജോസഫ്, പ്രൊഡക്ഷന്‍ എക്‌സിക്കുട്ടീവ് - ഹരി കാട്ടാക്കട, പ്രൊഡക്ഷന്‍ കണ്‍ട്രോളര്‍ - മുരുകന്‍.എസ്.
