പൈറേറ്റ് തീമില്‍ ചാക്കോച്ചന്‍; ഇസഹാക്കിന്റെ പിറന്നാള്‍ ആഘോഷം; സ്‌പെഷ്യല്‍ ഗസ്റ്റായി മഞ്ജുവും പിഷാരടിയും

ചാക്കോച്ചനും കുടുംബവും നിറഞ്ഞ സന്തോഷത്തില്‍ ഇസ്ഹാക്കിന്റെ ആറാം പിറന്നാള്‍ ആഘോഷിച്ചു. ഏപ്രില്‍ 16ന് നടന്ന പിറന്നാള്‍ ആഘോഷത്തിന്റെ സന്തോഷരേഖകളാണ് കുഞ്ചാക്കോ ബോബന്‍ ഇന്‍സ്റ്റഗ്രാമിലൂടെ പങ്കുവച്ചത്. മകന് പിറന്നാള്‍ ആശംസ നേര്‍ന്ന ചാക്കോച്ചന്റെ കുറിപ്പും തുടര്‍ന്ന് പങ്കുവച്ച ചിത്രങ്ങളും ആരാധകരെ കയ്യടിപ്പിച്ചു.

ഈ വര്‍ഷം 'പൈറേറ്റ്' തീമിലാണ് ഇസ്ഹാക്കിന്റെ പിറന്നാള്‍ ആഘോഷം സംഘടിപ്പിച്ചത്. കടല്‍ക്കൊള്ളക്കാരുടെ ഗെറ്റപ്പില്‍ ചാക്കോച്ചനും ഇസ്ഹാക്കും എത്തി, ആഘോഷത്തിന് വ്യത്യസ്തമായൊരു മികവ് നല്‍കി. ചുവപ്പ് നിറത്തിലുള്ള ഗൗണില്‍ പ്രിയയും ആഘോഷത്തിന്റെ നിറപ്പകിട്ടുയര്‍ത്തി.

ചടങ്ങില്‍ ചാക്കോച്ചന്റെ അടുത്ത സുഹൃത്തുക്കളായ മഞ്ജു വാര്യരും രമേഷ് പിഷാരടിയും സാന്നിധ്യം വഹിച്ചു. 14 വര്‍ഷത്തെ കാത്തിരിപ്പിന് ശേഷം 2019 ഏപ്രില്‍ 16ന് ജനിച്ച ഇസ്ഹാക്ക്, പ്രിയയും ചാക്കോച്ചനും നന്മയും സന്തോഷവും പകരുന്ന കണികയായാണ് നിലകൊള്ളുന്നത്.