'അറിയാതെ മൂത്രമൊഴിക്കുന്ന രംഗം അങ്ങനെ തന്നെ ചെയ്യാനാണ് ആദ്യം തീരുമാനിച്ചത്'; നടി ജാന്‍കി ബൊഡിവാല പറയുന്നു
നടി ജാന്‍കി ബൊഡിവാല പറയുന്നു
മുംബൈ: ഹിന്ദി ചിത്രമായ ശൈത്താന്‍ വശ് എന്ന ഗുജറാത്തി ഹൊറര്‍ ചിത്രത്തിന്റെ റീമേക്ക് ആയിരുന്നു. ജാന്‍കി ബൊഡിവാലയാരയുന്നു രണ്ട് ചിത്രത്തിലും പ്രധാന വേഷത്തിലെത്തിയത്. ഗുജറാത്തിയിലും ജാന്‍കി തന്നെയാണ് അഭിനയിച്ചത്. ജാന്‍വി റിഷി എന്ന കഥാപാത്രത്തെയാണ് നടി അവതരിപ്പിച്ചത്. ഇപ്പോഴിതാ വശിന്റെ ചിത്രീകരണത്തിനിടെയുണ്ടായ അനുഭവം പങ്കുവച്ചിരിക്കുകയാണ് ജാന്‍കി.
ആര്യ എന്ന കഥാപാത്രമായാണ് ചിത്രത്തില്‍ നടിയെത്തിയത്. സിനിമയിലെ ഒരു പ്രധാന രംഗത്തില്‍ ജാന്‍കിയുടെ കഥാപാത്രം സ്വന്തം വസ്ത്രത്തില്‍ അറിയാതെ മൂത്രമൊഴിക്കുന്ന സീനുണ്ട്. ഇത് സിനിമ ടെക്‌നിക്കുകളില്ലാതെ ശരിക്കും ചെയ്യാന്‍ കഴിയുമോ എന്ന് സംവിധായകന്‍ കൃഷ്ണദേവ് യാഗ്‌നിക് ചോദിച്ചതായാണ് ജാന്‍കിയുടെ വെളിപ്പെടുത്തല്‍. അടുത്തിടെ ഒരു മാധ്യമത്തിന് നല്‍കിയ അഭിമുഖത്തിലായിരുന്നു ജാന്‍കിയുടെ തുറന്നുപറച്ചില്‍. ഒരു പ്രത്യേക സാഹചര്യം വഷളാക്കാതിരിക്കാന്‍ സ്വന്തം പിതാവിനെ തടയാനായാണ് ആര്യ വസ്ത്രത്തില്‍ മൂത്രമൊഴിക്കുന്നത്. ഇതിന്റെ ചിത്രീകരണ സമയത്താണ് സംവിധായകന്‍ ഇങ്ങനെയൊരാശയം മുന്നോട്ടുവച്ചതെന്ന് ജാന്‍കി പറഞ്ഞു.
'ഞാന്‍ ഗുജറാത്തി പതിപ്പാണ് ചെയ്തത്, അവിടെയും ഇതേ രംഗം ചെയ്യാനുണ്ടായിരുന്നു. സംവിധായകന്‍ കൃഷ്ണദേവ് വളരെ നല്ല വ്യക്തിയാണ്. ഞങ്ങള്‍ വര്‍ക്ക്ഷോപ്പുകള്‍ ചെയ്യുമ്പോള്‍, അദ്ദേഹം എന്നോട് ചോദിച്ചു, നിങ്ങള്‍ക്ക് മൂത്രമൊഴിക്കുന്ന രംഗം ശരിക്കും ചെയ്യാന്‍ കഴിയുമോ എന്ന്. ഇത് വലിയ സ്വാധീനം ചെലുത്തുമെന്നും അദ്ദേഹം പറഞ്ഞു. എനിക്കതില്‍ സന്തോഷം തോന്നി. കാരണം ആരും ഇതുവരെ ചെയ്യാത്ത ഒരു കാര്യം സ്‌ക്രീനില്‍ ചെയ്യാന്‍ അഭിനേത്രി എന്ന നിലയില്‍ എനിക്ക് അവസരം ലഭിക്കുകയാണ്.'' ജാന്‍കി പറഞ്ഞു.
എന്നാല്‍ ചിത്രീകരണം തുടങ്ങിയപ്പോള്‍ താനും സംവിധായകനും ആഗ്രഹിച്ച രീതിയില്‍ ആ രംഗം ചെയ്യുന്നത് അസാധ്യമാണെന്ന് തോന്നിയെന്ന് നടി പറഞ്ഞു.'എന്നാല്‍ പിന്നീട്, സാങ്കേതികമായ കാര്യങ്ങള്‍ കാരണം അത് നടന്നില്ല. കാരണം ധാരാളം റീടേക്കുകള്‍ വേണ്ടിവരുമായിരുന്നു. ഷൂട്ടിങ് സെറ്റില്‍ അത് പ്രായോഗികമായി സാധ്യമല്ലായിരുന്നു.
അതിനാല്‍ ഞങ്ങള്‍ അത് ചെയ്യാനായി മറ്റൊരു വഴി കണ്ടെത്തി. യഥാര്‍ഥ ജീവിതത്തില്‍ എനിക്ക് ചെയ്യാന്‍ കഴിയാത്ത കാര്യങ്ങള്‍ ചെയ്യാന്‍ അവസരം ലഭിച്ചതില്‍ ഞാന്‍ സന്തോഷവതിയായിരുന്നു. ആ രംഗം എനിക്ക് ഏറ്റവും ഇഷ്ടപ്പെട്ട രംഗമാണ്. ആ രംഗം കാരണമാണ് ഞാന്‍ ആ സിനിമ ചെയ്യാന്‍ സമ്മതിച്ചത്.'- ജാന്‍കി പറഞ്ഞു.
