സാരി ഉടുത്ത് മുല്ലപ്പൂ ചൂടിയെത്തി; കയ്യിൽ കുപ്പിവളയണിഞ്ഞ് തനി നാടൻ ലുക്ക്; ജാസ്മിൻ ജാഫറിന്റെ പുതിയ ചിത്രങ്ങൾ വൈറൽ; ഏറ്റെടുത്ത് സോഷ്യൽ മീഡിയ

കൊച്ചി: ബിഗ് ബോസ് മലയാളം സീസൺ 6 ലൂടെ പ്രേക്ഷകരുടെ പ്രിയങ്കരിയായി മാറിയ ഒരാളാണ് ജാസ്മിൻ ജാഫർ. ഇപ്പോഴിതാ, ഓണത്തോട് അനുബന്ധിച്ച് പങ്കുവെച്ച പുതിയ വീഡിയോ സോഷ്യൽ മീഡിയയിൽ വൈറലാകുന്നു. കേരള സാരിയിൽ മുല്ലപ്പൂ ചൂടി, കുപ്പിവളകളണിഞ്ഞ് അതീവ സുന്ദരിയായുള്ള ജാസ്മിൻ്റെ ലുക്ക് ആരാധകർ ഏറ്റെടുത്തിരിക്കുകയാണ്.

ബ്യൂട്ടി വ്‌ളോഗുകളിലൂടെയാണ് ജാസ്മിൻ സോഷ്യൽ മീഡിയ ലോകത്ത് ആദ്യമായി ശ്രദ്ധേയയായത്. പിന്നീട് ബിഗ് ബോസ് മലയാളം സീസൺ 6 ലെ മത്സരാർത്ഥിയായി എത്തിയതോടെ താരം പ്രേക്ഷകരുടെ ഇഷ്ട്ടം പിടിച്ചുപറ്റി.

ഷോയിലെ നെഗറ്റീവ് ഇമേജ് പിന്നീട് പ്രേക്ഷക പ്രീതി നേടാൻ സഹായകമായി. സഹമത്സരാർത്ഥിയായിരുന്ന ഗബ്രിയുമായുള്ള സൗഹൃദവും ഏറെ ശ്രദ്ധിക്കപ്പെട്ടിരുന്നു. ബിഗ് ബോസ് അവസാനിച്ച ശേഷവും സോഷ്യൽ മീഡിയയിൽ സജീവമായ ജാസ്മിൻ്റെ പുതിയ ഓണച്ചിത്രങ്ങൾ ആരാധകർക്ക് ഏറെ സന്തോഷം നൽകിയിട്ടുണ്ട്.

"എന്താ കമന്റ് ചെയ്യേണ്ടതെന്ന് അറിയില്ല. ഒരു രക്ഷയും ഇല്ല. ജാസ്മിന് എന്തും ചേരും," എന്ന തുടങ്ങി നിരവധി പ്രശംസകളാണ് വീഡിയോയ്ക്ക് താഴെ ലഭിക്കുന്നത്. വിന്നറായില്ലെങ്കിലും ബിഗ് ബോസ് 6 എന്ന് കേട്ടാൽ പ്രേക്ഷകരുടെ ഓർമ്മയിൽ ആദ്യം വരുന്ന പേരുകളിൽ ഒന്നാണ് ജാസ്മിന്റേത്. ഹൗസിന് പുറത്ത് വെച്ച് ഗബ്രിയുമായി പിരിയുമെന്നുള്ള അഭ്യൂഹങ്ങൾക്കിടയിലും ഇരുവരുടെയും സൗഹൃദം ഇപ്പോഴും ശക്തമായി തുടരുന്നു.