'ന്നാ താൻ കേസ് കൊട്' ടീം വീണ്ടുമൊന്നിക്കുന്നു; കുഞ്ചാക്കോ ബോബൻ നായകനാവുന്ന രതീഷ് പൊതുവാളിന്റെ 'ഒരു ദുരൂഹ സാഹചര്യത്തിൽ' ആരംഭിച്ചു

വയനാട്: മികച്ച പ്രേക്ഷക നിരൂപക ശ്രദ്ധ പിടിച്ചു പറ്റിയ കുഞ്ചാക്കോ ബോബൻ ചിത്രമായിരുന്നു 'ന്നാ താൻ കേസ് കൊട്'. കാലിക പ്രസക്തിയുള്ള വിഷയം കോമഡിയിലൂടെ അവതരിപ്പിച്ച ചിത്രം വലിയ കയ്യടിയാണ് നേടിയത്. 2022 പുറത്തിറങ്ങിയ ചിത്രം ആ വർഷത്തെ ഏറ്റവും വലിയ ഹിറ്റുകളിൽ ഒന്നായിരുന്നു. രതീഷ് ബാലകൃഷ്ണൻ പൊതുവാൾ ആയിരുന്നു ചിത്രത്തിന്റെ സംവിധായകൻ.

"ന്നാ താൻ കേസ് കൊട് " ചിത്രമൊരുക്കിയ ടീം വീണ്ടും ഒന്നിക്കുന്നു എന്ന വാർത്തകളാണ് ഇപ്പോൾ പുറത്ത് വരുന്നത്. രതീഷ് വീണ്ടും കുഞ്ചാക്കോ ബോബനെ നായകനാക്കി ഒരുക്കുന്ന ചിത്രം ആരംഭിച്ചു. ലിസ്റ്റിൻ സ്റ്റാഫൻ നിർമാണ പങ്കാളിയായ ചിത്രത്തിന്റെ പേര് 'ഒരു ദുരൂഹ സാഹചര്യത്തിൽ' എന്നാണ്. ചിത്രത്തിന്റെ പൂജയും സ്വിച്ചോണും ഇന്ന് വയനാട് നടന്നു.

കുഞ്ചക്കോ ബോബനൊപ്പം ദിലീഷ് പോത്തൻ, സജിൻ ഗോപു, ചിദംബരം, ജാഫർ ഇടുക്കി, ഷാഹി കബീർ, ശരണ്യ രാമചന്ദ്രൻ, ദിവ്യ വിശ്വനാഥ് എന്നിവരും പ്രധാന വേഷങ്ങൾ എത്തുന്നുണ്ട്. അർജുൻ സേതു ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മനോജ് കണ്ണോത്ത് ആണ്. ചിത്രത്തിനായി സംഗീതം ഒരുക്കുന്നത് ഡോൺ വിൻസന്റ്.

കോ പ്രൊഡ്യുസർ ജസ്റ്റിൻ സ്റ്റീഫൻ. ലൈൻ പ്രൊഡ്യൂസർ സന്തോഷ് കൃഷ്ണൻ.പ്രൊഡക്ഷൻ ഇൻ ചാർജ് അഖിൽ യശോധരൻ. ആർട്ട് ഇന്ദുലാൽ കാവീദ് . സൗണ്ട് ഡിസൈൻ ശ്രീജിത്ത് ശ്രീനിവാസൻ. സൗണ്ട് മിക്സിങ് വിപിൻ നായർ. എക്സിക്യൂട്ടീവ് പ്രൊഡ്യൂസർ നവീൻ പി തോമസ്. മേക്കപ്പ് റോണെക്സ് സേവ്യർ. കോസ്റ്റ്യൂം മെൽവി ജെ. പ്രൊഡക്ഷൻ കൺട്രോളർ ദീപക് പരമേശ്വർ.ചീഫ് അസോസിയേറ്റ് ഡയറക്ടർ അജിത്ത് വേലായുധൻ. സ്റ്റണ്ട് മാസ്റ്റർ വിക്കി. അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ് ബബിൻ ബാബു.

പി ആർ ഓ മഞ്ജു ഗോപിനാഥ്. സ്റ്റിൽസ് പ്രേംലാൽ പട്ടാഴി. ലൊക്കേഷൻ മാനേജർ റഫീഖ് പാറക്കണ്ടി. മാർക്കറ്റിംഗ് സൗത്ത് ഫ്രെയിംസ് എന്റർടൈൻമെന്റ്. ഡിജിറ്റൽ പ്രൊമോഷൻസ് മാർട്ടിൻ ജോർജ്, ആഷിഫ് അലി. അഡ്വർടൈസിങ് ബ്രിങ്ഫോർത്ത്. ഡിസൈൻസ് ഓൾഡ് മങ്ക്സ്.വിതരണം മാജിക് ഫ്രെയിംസ് റിലീസ്. വയനാട് തിരുനെല്ലി എന്നീ ലൊക്കേഷനുകളിലായി ചിത്രത്തിന്റെ ഷൂട്ടിംഗ് തുടരും.