കൊച്ചി: സിനിമാ-സീരിയൽ താരം മീര വാസുദേവൻ്റെ ഏറ്റവും പുതിയ സോഷ്യൽ മീഡിയ പോസ്റ്റ് ചർച്ചാവിഷയാകുന്നു. ക്യാമറാമാൻ വിപിൻ പുതിയങ്കവുമായുള്ള വിവാഹബന്ധം വേർപെടുത്തിയതായി നടി ഔദ്യോഗികമായി പ്രഖ്യാപിച്ചതിന് പിന്നാലെ, ജീവിതത്തെക്കുറിച്ചും ബന്ധങ്ങളെക്കുറിച്ചുമുള്ള താരത്തിൻ്റെ കുറിപ്പ് വലിയ ശ്രദ്ധ നേടുകയാണ്. തൻ്റെ ഇൻസ്റ്റാഗ്രാം പേജിൽ മീര പങ്കുവെച്ച ഒരു കുറിപ്പാണ് ഇപ്പോൾ വൈറലായിരിക്കുന്നത്. "നിങ്ങളെ മാത്രം ആഗ്രഹിക്കുന്ന ഒരു സ്ത്രീയെ നഷ്ടപ്പെടുത്തുന്നത് എത്ര ലജ്ജാകരമാണ്" എന്ന വാചകമാണ് നടി പങ്കുവെച്ചത്.

മീര വാസുദേവന്റെ കുറിപ്പിന്റെ പൂർണ രൂപം:

‘വിവാഹം, പ്രണയബന്ധം, ഒരു സിറ്റുവേഷൻഷിപ്പ്, സാധാരണ ഡേറ്റിങ് എന്നിവയുടെ രുചി ഞാൻ അറിഞ്ഞിട്ടുണ്ട്. ഇപ്പോൾ ഞാൻ ഏറ്റവും കൂടുതൽ ശുപാർശ ചെയ്യുന്നത് യാത്രകളെയാണ്.'

'ചിലപ്പോൾ സുഹൃത്തുക്കളല്ല നമ്മളോട് തെറ്റ് ചെയ്യുന്നത്, അവർ അർഹിക്കാത്ത ഒരു വിഭാഗത്തിൽ നമ്മൾ ഉൾപ്പെടുത്തിയ ആളുകളാണ്. ചിലർ സുഹൃത്തുക്കളായിരുന്നില്ല, വെറും പരിചയക്കാർ മാത്രമായിരുന്നു.'

'ചതിക്കാത്ത, പുറത്തുപോകാത്ത, കളികൾ കളിക്കാത്ത, തനിക്കെന്താണ് വേണ്ടതെന്ന് അറിയുന്ന, തനിക്കുള്ളതിനുവേണ്ടി കഠിനാധ്വാനം ചെയ്യുന്ന, വ്യക്തമായി കാര്യങ്ങൾ സംസാരിക്കുന്ന, സ്വന്തം മൂല്യം തിരിച്ചറിയുന്ന, എന്നാൽ നിങ്ങളെ മാത്രം ആഗ്രഹിക്കുന്ന ഒരു സ്ത്രീയെ നഷ്ടപ്പെടുത്തുന്നത് ഒന്ന് സങ്കൽപ്പിച്ച് നോക്കൂ. എത്ര ലജ്ജാകരമാണ് അത്.'

ഒരു വർഷം നീണ്ട ദാമ്പത്യത്തിന് ശേഷമാണ് മീര വാസുദേവൻ വിപിൻ പുതിയങ്കവുമായി വേർപിരിഞ്ഞത്. 2025 ഓഗസ്റ്റ് മുതൽ താൻ സിംഗിളാണെന്ന് നടി സമൂഹ മാധ്യമങ്ങളിലൂടെ നേരത്തെ ഔദ്യോഗികമായി പ്രഖ്യാപിച്ചിരുന്നു. മീരയുടെ മൂന്നാം വിവാഹബന്ധമാണ് ഇതോടെ അവസാനിച്ചത്. താരത്തിൻ്റെ ഈ വിവാഹമോചന വാർത്ത മലയാള മനോരമ ഓൺലൈൻ ഉൾപ്പെടെയുള്ള പ്രമുഖ മാധ്യമങ്ങൾ പ്രാധാന്യത്തോടെ റിപ്പോർട്ട് ചെയ്തിരുന്നു.

'കുടുംബവിളക്ക്' എന്ന സീരിയലിൻ്റെ സെറ്റിൽ വെച്ചാണ് മീരയും വിപിനും പരിചയപ്പെടുന്നതും പിന്നീട് വിവാഹിതരാകുന്നതും. വിവാഹബന്ധം അവസാനിപ്പിച്ചതിന് ശേഷം ജീവിതത്തിലെ ഏറ്റവും സന്തോഷകരവും സമാധാനപരവുമായ ഘട്ടത്തിലൂടെയാണ് താൻ കടന്നുപോകുന്നതെന്നും മീര അടുത്തിടെ ഇൻസ്റ്റാഗ്രാമിൽ കുറിച്ചിരുന്നു. മീരയുടെ ഈ കുറിപ്പിന് പിന്തുണയുമായി നിരവധി ആരാധകരാണ് എത്തുന്നത്.

മീര വാസുദേവൻഇൻസ്റ്റാഗ്രാംസോഷ്യൽ മീഡിയ

സ്വന്തം ലേഖകൻ