'ആത്മാവിനെ തൊട്ടുണർത്തുന്ന ഈ സൃഷ്ടിക്ക് ജന്മം നൽകിയവർക്കുള്ള സമർപ്പണം'; 'വരാഹരൂപം' ഗാനത്തിന് ചുവടുവെച്ച് പാർവതി ജയറാം; വീഡിയോ സമൂഹ മാധ്യമങ്ങളിൽ വൈറൽ
തിരുവനന്തപുരം: 'കാന്താര' എന്ന ചിത്രത്തിലെ ഏറെ ശ്രദ്ധേയമായ 'വരാഹരൂപം' എന്ന ഗാനത്തിന് പാർവതി ചുവടുവെച്ച് പാർവതി ജയറാം. ഇന്‍സ്റ്റഗ്രാം അക്കൗണ്ടിലൂടെയാണ് വീഡിയോ പോസ്റ്റ് ചെയ്തിരിക്കുന്നത്. വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
'കാന്താര മുതൽ ഈ സംഗീതം എന്നിൽ ജീവിക്കുന്നു. കാന്താര: എ ലെജൻഡ് ചാപ്റ്റർ 1-ലൂടെ അത് വീണ്ടും ഉയിർത്തെഴുന്നേറ്റ് മനസ്സിൽ തങ്ങിനിൽക്കുന്ന, ദൈവികമായ, അചഞ്ചലമായ ഒന്നായി. അഭൗമമായ സംഗീതമൊരുക്കിയ അജനീഷ് ലോക്‌നാഥിനും, ആത്മാവിനെ തൊട്ടുണർ =ത്തുന്ന ഈ സൃഷ്ടിക്ക് ജന്മം നൽകിയ അതുല്യ പ്രതിഭ ഋഷഭ് ഷെട്ടിക്കും സങ്കൽപങ്ങളെ ദൃശ്യകാവ്യമാക്കി മാറ്റിയ അരവിന്ദ് എസ്. കശ്യപിനും എന്റെ ഈ വിനീതമായ സമർപ്പണമാണിത്. ഒടുവിലായി, ഏറ്റവും പ്രിയപ്പെട്ട എന്റെ രാജാവ് രാജശേഖരന്- എന്റെ ഭർത്താവ് ജയറാമിന്, ആത്മാവിൽ തങ്ങിനിൽക്കുന്ന ഈ മാന്ത്രികതയ്ക്ക് നിങ്ങളെല്ലാവർക്കും നന്ദി,' വീഡിയോ പങ്കുവെച്ചുകൊണ്ട് പാർവതി കുറിച്ചു.
ഈയിടെ മകൾ മാളവികയുടെ സംഗീത് നൈറ്റിനായി പാർവതി അവതരിപ്പിച്ച നൃത്തവും വലിയ ശ്രദ്ധ നേടിയിരുന്നു. ഈ പുതിയ വീഡിയോ നടൻ കാളിദാസ് ജയറാമും മാളവിക ജയറാമും അവരുടെ ഇൻസ്റ്റഗ്രാം സ്റ്റോറികളിലൂടെ പങ്കുവെച്ചിട്ടുണ്ട്.
