'പാരിജാതം' സീരിയലിലൂടെ പ്രേക്ഷകരുടെ മനസ്സിൽ ഇടം നേടിയ നടിയാണ് രസ്ന. ഇരട്ടകളായ സീമയേയും അരുണയേയും അവതരിപ്പിച്ച് ശ്രദ്ധേയയായ രസ്ന, വിവാഹശേഷം അഭിനയരംഗത്ത് നിന്ന് ഇടവേളയെടുത്തിരുന്നു. എന്നാൽ, ഇടവേളയ്ക്ക് ശേഷം പങ്കുവെച്ച പുതിയ ചിത്രങ്ങളിലൂടെ താരം വീണ്ടും ആരാധകരുടെ ചർച്ചാവിഷയമായിരിക്കുകയാണ്.

പുതിയ ചിത്രങ്ങളിൽ മൈലാഞ്ചി അണിഞ്ഞ കൈ കൊണ്ട് മുഖം പാതി മറച്ച്, മനോഹരമായ ചിരിയോടെയാണ് രസ്ന പ്രത്യക്ഷപ്പെടുന്നത്. ചിത്രങ്ങൾക്കൊപ്പം പ്രത്യേക കുറിപ്പുകളൊന്നും രസ്ന പങ്കുവെച്ചിട്ടില്ലെങ്കിലും, താരം വീണ്ടും അമ്മയാകാൻ പോകുന്നുവെന്ന സൂചനകളാണ് ചിത്രങ്ങളിലൂടെ ലഭിക്കുന്നതെന്ന് ആരാധകർ അഭിപ്രായപ്പെടുന്നു. "എന്താണ് പുതിയ വിശേഷങ്ങൾ?" എന്ന് പലരും ചോദിച്ചുകൊണ്ട് രംഗത്തെത്തിയിട്ടുണ്ട്. "അന്നും ഇന്നും അതീവ സുന്ദരിയാണ് രസ്ന" എന്ന് ചിത്രങ്ങൾക്ക് താഴെ ഒരാൾ കമന്റ് ചെയ്തു.

'പാരിജാതം' സീരിയൽ സംവിധായകൻ ബൈജു ദേവരാജിനെയാണ് രസ്ന വിവാഹം ചെയ്തത്. വിവാഹ ശേഷം സാക്ഷി ബി. ദേവരാജ് എന്ന പേര് സ്വീകരിക്കുകയും ചെയ്തു. ആറാം ക്ലാസ്സിൽ പഠിക്കുമ്പോൾ സംഗീത ആൽബങ്ങളിലൂടെയാണ് രസ്ന അഭിനയ രംഗത്തേക്ക് കടന്നു വരുന്നത്. പിന്നീട് നിരവധി സീരിയലുകളിലും അഭിനയിച്ചു. രണ്ട് മക്കളുടെ കാര്യങ്ങൾ ശ്രദ്ധിക്കാൻ വേണ്ടിയാണ് അഭിനയത്തിൽ നിന്ന് വിട്ടുനിന്നതെന്ന് നടി മുൻപ് പറഞ്ഞിട്ടുണ്ട്.

രസ്ന

സ്വന്തം ലേഖകൻ